मदर्स डेला जान्हवीला आईची आठवण, बालपणीचा फोटो शेअर

अभिनेत्री जान्हवी कपूरलाही आपल्या आईची आठवण येत आहे. जान्हवीने आपली आई आणि दिवंगत अभिनेत्री श्रीदेवीसोबतचा बालपणीचा फोटो शेअर करत आठवणीला उजाळा दिला आहे.

मुंबई : मदर्स डेनिमित्त कुणी आईसोबतच्या आठवणी सांगत आहे, तर कुणी आईसोबतचे फोटो सोशल मीडियावर शेअर करत आहे. अभिनेत्री जान्हवी कपूरलाही आपल्या आईची आठवण येत आहे. जान्हवीने आपली आई आणि दिवंगत अभिनेत्री श्रीदेवीसोबतचा बालपणीचा फोटो शेअर करत आठवणीला उजाळा दिला आहे. दरम्यान, श्रीदेवीच्या जुन्या ट्विटर अकाऊंटवरुन एक व्हिडीओही शेअर करण्यात आला आहे. या व्हिडीओत श्रीदेवी आई बनण्याच्या अनुभवापासून ते आई बनल्यानंतरच्या जबाबदाऱ्यांपर्यंत सांगत आहे. कुटुंबातील एखाद्या सदस्याने हा व्हिडीओ शेअर केला असण्याची शक्यता आहे.

With everlasting love to all the Mom's in the universe. #MothersDay #MomsLoveNonStop pic.twitter.com/bwxGIZocIQ

— SRIDEVI BONEY KAPOOR (@SrideviBKapoor) May 13, 2018

जान्हवीलाही आपल्या आईची आठवण येणं स्वाभाविक आहे. तिने इंस्टाग्रामवर बालपणीचा फोटो शेअर करुन आईची आठवण काढली.

A post shared by Janhvi Kapoor (@janhvikapoor) on May 13, 2018 at 4:51am PDT

जान्हवीचा पहिला बॉलिवूड सिनेमा 'धडक' लवकरच रिलीज होणार आहे. जान्हवीने सिनेमात काम करावं, अशी श्रीदेवीची अगोदर इच्छा नव्हती. मात्र नंतर ती यासाठी तयार झाली. जान्हवीच्या सिनेमासाठी श्रीदेवी उत्सुक होती. जान्हवीचा वाढदिवस काही दिवसांवर आलेला असल्यामुळेच श्रीदेवी दुबईत मागे थांबून तिच्यासाठी शॉपिंग करणार होती. मात्र दुर्दैवाने बाथटबमध्ये बुडून श्रीदेवीचा मृत्यू झाला.