Heeramandi Season 2 : पुन्हा दिसणार मल्लिकाजानची हुकूमत, 'नेटफ्लिक्स'कडून खास अंदाजात 'हिरामंडी-2'ची घोषणा; प्रेक्षकांनी केली 'ही' खास विनंती
Heeramandi Season 2 Announced : हिरामंडीचा पुढील भाग रिलीज करावा अशी मागणी करण्यात येत होती. आता नेटफ्लिक्सने चाहत्यांना सुखद धक्का दिला आहे. हिरामंडीचा दुसरा सीझन प्रेक्षकांच्या भेटीला येणार आहे.
Heeramandi Season 2 Announced : दिग्दर्शक संजय लीला भन्साळी (Sanjay Leela Bhansali) यांच्या 'हिरामंडी' (Heeramandi) ही वेब सीरिज नेटफ्लिक्सला रिलीज झाली. या वेब सीरिजला प्रेक्षकांचा चांगला प्रतिसाद मिळाला. या वेब सीरिजची भव्यता, कलाकारांचा अभिनय, कथानकाचा विषय यावर चर्चा झडली. हिरामंडीचा पुढील भाग रिलीज करावा अशी मागणी करण्यात येत होती. आता नेटफ्लिक्सने चाहत्यांना सुखद धक्का दिला आहे. 'हिरामंडी'चा दुसरा सीझन प्रेक्षकांच्या भेटीला येणार आहे.
'नेटफ्लिक्स' आणि 'भन्साळी प्रोडक्शन'च्यावतीने इन्स्टाग्रामवर एक व्हिडीओ शेअर करण्यात आला. यामध्ये समुद्र किनारी काही महिला हिरामंडीच्या गेटअपमध्ये दिसून येत आहेत. या सगळ्याजणी सीझन-1 मधील गाण्यांवर परफॉर्म करत आहेत. परफॉर्म करणाऱ्या या महिलांचे नृत्य काहीजण मोबाईलमध्ये रेकोर्ड करताना व्हिडीओत दिसले आहे.
'हिरामंडी 2' ची खास ढंगात घोषणा
या परफॉर्मन्सच्या शेवटी हिरामंडी-2 ची घोषणा वेगळ्याच अंदाजात करण्यात आली. या पोस्टवर अनेकांनी आनंद व्यक्त केला. ताजदारची भूमिका साकारणारा अभिनेता ताह शाह याने हार्ट इमोजी पोस्ट केला. तर, अदिती राव हैदरीने देखील आपला आनंद व्यक्त केला. हिरामंडीच्या पहिल्या सीझनमध्ये तिचा मृत्यू झाला असल्याचे दाखवण्यात आले आहे. श्रृती शर्मादेखील या दुसऱ्या सीझनबद्दल उत्साही दिसली.
View this post on Instagram
लोकांनी केली खास मागणी...
View this post on Instagram
हिरामंडीच्या दुसऱ्या सीझनची घोषणा झाल्यानंतर लोकांनी आनंद व्यक्त केला. त्याच वेळी त्यांनी दिग्दर्शक संजय लीला भन्साळी यांना एक आवाहन, विनंती केली आहे. एका युजरने म्हटले की, शर्मिन सेगलला या सीझनमध्ये घेऊ नये. एका युजरने म्हटले की, हिरामंडीच्या दुसऱ्या सीझनसाठी नेटफ्लिक्सचे आभार. एकाने म्हटले की, ताजदार आणि बिब्बोजान शिवाय हिरामंडी असणार आहे. तर, एकाने म्हटले की मला पहिल्याच एपिसोडमध्ये आलमजेबचा मृत्यू पाहायचा आहे.
महत्त्वाच्या बातम्या
