Natasa Stankovic Net Worth : चार वर्षांचा संसार मोडला, हार्दिकची एक्स वाईफ नताशा स्टॅनकोव्हिची संपत्ती किती?
Natasa Stankovic Net Worth : हार्दिक आणि नताशा यांनी घटस्फोटाची अधिकृत घोषणा केली. मागील चार वर्षांपासून सुरू असलेला या दोघांचा संसार मोडला आहे.
Natasa Stankovic Net Worth : मागील काही दिवसांपासून टीम इंडियाचा अष्टपैलू खेळाडू हार्दिक पांड्या (Hardik Pandya) आणि नताशा स्टॅनकोव्हि (Nataša Stanković) यांच्यात काहीच सगळं ठीक नसल्याचे समोर आले होते. त्यानंतर गुरुवारी, 18 जुलै रोजी हार्दिक आणि नताशा यांनी घटस्फोटाची अधिकृत घोषणा केली. मागील चार वर्षांपासून सुरू असलेला या दोघांचा संसार मोडला आहे.
हार्दिक आणि नताशा यांनी आपल्या सोशल मीडिया अकाउंटवर घोषणा करताना सांगितले की, परस्पर संमतीने वेगळे होत आहेत. पण दोघे मिळून मुलगा अगस्त्यचे संगोपन करणार आहेत. यापूर्वी नताशाने एक फोटो शेअर केला होता ज्यात ती तिच्या मायदेशी सर्बियाला पोहोचली आहे आणि तिचा मुलगा तिच्यासोबत दिसून आला.
नताशाची स्टॅनकोव्हिची संपत्ती किती?
नताशा स्टॅनकोव्हि ही मॉडेल आणि अभिनेत्री आहे. नताशा सोशल मीडियावर चांगलीच सक्रिय आहे. सोशल मीडियावरील अकाउंटवरून नताशाच्या लाइफस्टाईलची झलकही दिसून येते. त्यामुळे नताशाची संपत्ती किती? याचीही चर्चा सुरू असते.
View this post on Instagram
हार्दिक पांड्याच्या नावावर 91 कोटींची संपत्ती आहे. 'टाइम्स नाऊ'ने दिलेल्या वृत्तानुसार, नताशाची संपत्ती ही हार्दिकपेक्षाही कमी आहे. नताशा स्टॅनकोव्हिची संपत्ती ही 20 कोटींच्या घरात आहे. वृत्तानुसार, घटस्फोटानंतर हार्दिक नताशाला पोटगी म्हणून चांगली रक्कम देऊ शकतो. त्यामुळे नताशाच्या संपत्तीत वाढ होऊ शकते. मात्र, याला कोणीही अधिकृत दुजोरा दिला नाही. नताशा ही सोशल मीडिया इनफ्लूएन्सर म्हणून काम करते. त्याशिवाय, मॉडेलिंग, अभिनय, डान्सिंग शोच्या माध्यमातून तिची कमाई होते.
कोण आहे नताशा स्टॅनकोव्हि?
4 मार्च 1992 रोजी नताशाचा सर्बियामध्ये जन्म झाला. वयाच्या 17 व्या वर्षी तिने नृत्य प्रशिक्षण घेतले आणि मॉडेलिंग सुरू केली. प्रकाश झा यांच्या 'सत्याग्रह' (2013) या चित्रपटातून बॉलिवूडमध्ये तिने पदार्पण केले. त्यानंतर नताशाने वर्ष 2014 मधील 'बिग बॉस सीझन 8' मध्येही सहभाग घेतला होता. त्यानंतर तिने नच बलिए या डान्स रिएल्टी शोच्या 9 व्या सीझनमध्येही सहभाग घेतला होता.
View this post on Instagram
2018 मध्ये नताशा ही बादशाहच्या 'डीजे वाले बाबू' या सुपरहिट गाण्यात अभिनेत्री म्हणूनही दिसली होती. यानंतर नताशाने 'फुक्रे रिटर्न्स' आणि 'झिरो' सारख्या चित्रपटातही काम केले आहे. नताशाने भारतात राहून खूप काम केले आहे पण आता ती सर्बियाला पुन्हा गेली आहे. नताशा ही आता कायमची सर्बियात राहणार का याची चर्चा आता रंगू लागली आहे.
महत्त्वाच्या बातम्या
