Farmani Naaz Story : सोशल मीडियावर 'हर हर शंभू' गाण्याचा डंका, जाणून घ्या गायिका फरमानी नाजबद्दल

Farmani Naaz : 'हर हर शंभू' या गाण्यामुळे फरमानी नाज चर्चेत आली आहे.

Farmani Naaz

Farmani Naaz Har Har Shambhu Song : छोट्या पडद्यावरील लोकप्रिय गायिका आणि इंडियन आयडल फेम फरमानी नाज (Farmani Naaz) सध्या चर्चेत आहे. श्रावणात फरमानीने 'हर हर शम्भू' (Har Har Shambhu) हे गाणं तिच्या युट्यूब चॅनलवर रिलीज केलं आहे. या गाण्यामुळे फरमानी वादाच्या भोवऱ्यात अडकली आहे. 'हर हर शम्भू' हे गाणं सध्या सोशल मीडियावर व्हायरल होत आहे. 

'हर हर शम्भू' गाणं गाणाऱ्या फरमानी नाजचा जीवनप्रवास जाणून घ्या? 

उत्तरप्रदेशातील मोहम्मदपुर या खेड्यात फरमानीचं घर आहे. 2017 साली फरमानी इमरानसोबत लग्नबंधनात अडकली. हसनपुरात त्यांचा लग्नसोहळा पार पडला. लग्नानंतर फरमानीला अनेक समस्यांचा सामना करावा लागला. फरमानी आणि इमरानच्या मुलाचे नाव मोहम्मद अर्श आहे. मुलाच्या जन्मानंतर इमरानने दुसरं लग्न केलं. त्यामुळे फरमानीने इमरानचे घर सोडले आणि मोहम्मदपुरचा रस्ता पकडला. 

फरमानी झाली युट्यूब स्टार

फरमानीला गाणं गाण्याची प्रचंड आवड आहे. फरमानीचं गाणं राहुल नावाच्या एका व्यक्तीने ऐकलं आणि ते रेकॉर्ड करून युट्यूबवर टाकलं. या गाण्याला प्रेक्षकांचा चांगला प्रतिसाद मिळाला. त्यानंतर फरमानीने स्वत:चं युट्यूब चॅनल सुरू केलं. युट्यूबवर फरमानीचे 38.4 लाख सब्सक्रायबर आहेत. फरमानी नाज आणि फरमानची जोडी प्रेक्षकांच्या पसंतीस उतरते. 

फरमानी आहे इंडियन आयडलचा भाग

इंडियन आयडलच्या 12 व्या पर्वात सहभागी होण्याची संधी फरमानीला मिळाली होती. या कार्यक्रमाच्या माध्यमातून फरमानीने नेहा कक्कड, हिमेश रेशमिया आणि विशाल ददलानीचे मन जिंकलं. दरम्यान फरमानीने 'जो वादा किया तो निभाना पडेगा' हे गाणं गायलं. फरमानीचं हे गाणं प्रचंड गाजलं. या गाण्याने फरमानीला लोकप्रियता मिळाली. 

संबंधित बातम्या