Ram Charan : जय हनुमान! साऊथ सुपरस्टार तेजा सज्जाच्या 'हनुमान 2'मध्ये राम चरणची एन्ट्री; साकारणार श्रीरामाची भूमिका
Ram Charan in Hanuman 2 : दाक्षिणात्य सुपरस्टार तेजा सज्जाच्या (Teja Sajja) आगामी 'हनुमान 2' या सिनेमात राम चरण श्रीरामाच्या भूमिकेत दिसणार आहे.
Ram Charan in Hanuman 2 : दाक्षिणात्य सुपरस्टार तेजा सज्जाचा (Teja Sajja) 'हनुमान' (Hanuman) हा सिनेमा सध्या चर्चेत आहे. बॉक्स ऑफिसवर हा सिनेमा धमाकेदार कमाई करत आहे. प्रेक्षकांना आता या सिनेमाच्या सीक्वेलची प्रतीक्षा आहे. दरम्यान 'हनुमान 2'मध्ये राम चरण श्रीरामाच्या भूमिकेत दिसणार असल्याचं समोर आलं आहे.
रवी तेजाचा 'हनुमान' हा सिनेमा प्रेक्षकांच्या पसंतीस उतरला आहे. त्यामुळे प्रेक्षकांना आता या सिनेमाच्या दुसऱ्या भागाची प्रतीक्षा आहे. प्रशांत वर्मा (Prashant Varma) दिग्दर्शित या सिनेमात तेलुगू स्टार महत्त्वाच्या भूमिकेत दिसणार आहे. 'हनुमान 2' या सिनेमाचं नाव 'जय हनुमान' असं असणार आहे. या सिनेमाच्या कास्टिंगला आता सुरुवात झाली आहे.
'हनुमान 2'मध्ये राम चरण झळकणार श्रीरामाच्या भूमिकेत
'हनुमान 2' या सिनेमात प्रेक्षकांना अॅक्शनचा तडका पाहायला मिळणार आहे. प्रशांत वर्मा दिग्दर्शित या सिनेमातील श्रीरामाच्या भूमिकेसाठी निर्माते राम चरणचा विचार करत आहेत. या बहुचर्चित सिनेमाची प्रेक्षकांना उत्सुकता आहे. 'अधीरा' या सिनेमानंतर प्रशांत वर्मा 'जय हनुमान' या सिनेमाच्या शूटिंगला सुरुवात करू शकतात. राम चरणच्या आगामी कलाकृतींची चाहत्यांना उत्सुकता आहे. त्याचा 'गेम चेंजर' हा सिनेमा काही दिवसांपूर्वी प्रेक्षकांच्या भेटीला आला होता.
View this post on Instagram
बॉक्स ऑफिसवर 'हनुमान'चा बोलबाला (Hanuman Box Office Collection)
'हनुमान' हा सिनेमा 12 जानेवारी 2024 रोजी सिनेमागृहात प्रदर्शित झाला आहे. रिलीजच्या सहा दिवसांत बॉक्स ऑफिसवर या सिनेमाने 70 कोटींपेक्षा अधिक कमाई केली आहे. सॅकनिल्क एंटरटेनमेंटच्या रिपोर्टनुसार, रिलीजच्या पहिल्या दिवशी हनुमानने 8.5 कोटींची कमाई केली. दुसऱ्या दिवशी 12.45 कोटी, तिसऱ्या दिवशी 16 कोटी, चौथ्या दिवशी 15.2 कोटी, पाचव्या दिवशी 13.11 कोटी आणि सहाव्या दिवशी 5.94 कोटींची कमाई केली. एकंदरीत रिलीजच्या सहा दिवसांत या सिनेमाने 74.9 कोटींचा गल्ला जमवला आहे. वीकेंडला या सिनेमाच्या कमाईत आणखी वाढ होऊ शकते.
'हनुमान' या सिनेमाचा देशभरातील सिनेमागृहांत बोलबाला आहे. अंजनाद्री गावात राहणाऱ्या हनुमंतची गोष्ट या सिनेमात दाखवण्यात आली आहे. हनुमंतची भूमिका साऊथ स्टार तेजा सज्जाने साकारली आहे. हा रोमांचक सिनेमा प्रेक्षकांचं मनोरंजन करण्यात यशस्वी ठरला आहे.
संबंधित बातम्या
Hanuman Review : अवश्य पाहावा असा आणखी एक भारतीय सुपरहीरो 'हनुमान'
महत्त्वाच्या बातम्या
