Good Newwz box office collection : अक्षय करीनाची 'गुड न्यूज', चित्रपटाची बॉक्स ऑफिसवर बंपर कमाई

अक्षय-करीनाचा 'गुड न्यूज' चित्रपट बॉक्स ऑफिसवर सध्या धुमाकूळ घालतोय. अवघ्या पाच दिवसात चित्रपटाने शंभर कोटी क्लबमध्ये स्थान मिळवलं आहे.

मुंबई : खिलाडी अक्षय कुमार, करीना कपूर, पंजाबी अभिनेता दिलजित दोसांझ आणि रकुल प्रीत सिंह यांचा 'गुड न्यूज' हा चित्रपट शुक्रवारी प्रदर्शित झाला. चित्रपटाला प्रदर्शनाच्या पहिला दिवशी चांगली ओपनिंग मिळाली. त्यानंतर चित्रपटाने प्रदर्शनाच्या दुसऱ्या-ति दिवशी मोठी मुसंडी मारली. त्यानंतर 31st आणि नववर्षाच्या सुट्टीचा या चित्रपटाला चांगलाच फायदा झाल्याचे दिसत आहे. चित्रपटाची बॉक्स ऑफिसवरील कमाई अक्षय कुमारसह इतर कलाकार, दिग्दर्शक आणि निर्मात्यांसाठी गुड न्यूज ठरली आहे. 'गुड न्यूज'ने पहिल्या दिवशी (शुक्रवारी) 17.56 कोटी रुपयांची ओपनिंग मिळवली. त्यानंतर दुसऱ्या दिवशी (शनिवारी) 21.78 कोटी, रविवारी 25.65 कोटी, सोमवारी 13.39, मंगळवारी 16.20, बुधवारी 22.50 कोटी रुपयांची कमाई केली आहे. सहा दिवसात मिळून चित्रपटाने बॉक्स ऑफिसवर 117.10 कोटी रुपयांचा गल्ला जमवला आहे. चित्रपटाने अवघ्या 5 दिवसात शंभर कोटी क्लबमध्ये स्थान मिळवलं आहे.

#GoodNewwz is ???? Not Out... Hits the ball out of the park on Day 6... Ends 2019 with #GoodNewwz... Begins 2020 with #GoodNewwz... Fri 17.56 cr, Sat 21.78 cr, Sun 25.65 cr, Mon 13.41 cr, Tue 16.20 cr, Wed 22.50 cr. Total: ₹ 117.10 cr. #India biz.

— taran adarsh (@taran_adarsh) January 2, 2020

चित्रपटाचा विषय काय? अलिकडे आपल्याकडे खूप फॅमिली प्लॅनिंग होतं. पाच-पाच सात-सात वर्ष थांबून मग गोड बातमी देण्याबद्दल विषय सुरू होतात. पण यात वय वाढतं. शरीरातही बदल होत असतात. मग अपत्य प्राप्तीची शक्यता धूसर होऊ लागते. अशावेळी सायन्स मदतीला येतं. आयव्हीएफ, टेस्ट ट्यूब बेबी यांसारखे पर्याय येतात. 'गुड न्यूज' या चित्रपटात आयव्हीएफ तंत्रज्ञानाची कास धरून गोष्ट मांडण्यात आली आहे. नामसाधर्म्यामुळे ही टेस्ट करताना एकमेकांचे (अक्षय कुमार - दिलजित दोसांझ) स्पर्म एकमेकांच्या बायकोच्या (करीना कपूर - रकुल प्रीत सिंह) शरीरात सोडले जातात असं याचं कथाबीज. पण याच्या अलिकडे आणि पलिकडे गोष्ट रचून दिग्दर्शकाने धमाल उडवून दिली आहे. लग्नानंतर काळ उलटतो तसे नातेवाईकांकडून मारले जाणारे टोमणे.. अपत्य प्राप्तीसाठी उत्सुक असल्यानंतर विशिष्टवेळी जवळ येण्याचा पत्नीचा ह्ट्ट, यातून यंत्रवत होत जाणारं नातं असे पदर यात मांडले आहेत.