Gadar 2 New Song: मुलाच्या आठवणीत तारा सिंह भावूक, सकिनाला झाले अश्रू अनावर; गदर 2 मधील 'खैरियत' गाणं आलं प्रेक्षकांच्या भेटीस
गदर 2 (Gadar 2) या चित्रपटामधील 'खैरियत' हे गाणे रिलीज झाले आहे.
Gadar 2 New Song: अभिनेता सनी देओल (Sunny Deol) आणि अभिनेत्री अमिषा पटेल (Ameesha Patel) यांच्या गदर 2 (Gadar 2) या चित्रपटाची चाहते उत्सुकतेने वाट बघत आहेत. या चित्रपटाच्या माध्यमातून पुन्हा एकदा तारा सिंग आणि सकिना यांची प्रेमकथा प्रेक्षकांनापाहायला मिळणार आहे. या चित्रपटामधील 'खैरियत' (Khairiyat) हे गाणे रिलीज झाले आहे. या गाण्यामध्ये तारा सिंह आणि सकिना आपल्या मुलापासून दूर गेले आहेत, असं दाखवण्यात आले आहे. 'खैरियत' या गाण्यात तारा सिंह हा कुटुंबाच्या आठवणीत भावूक झालेला दिसत आहे, तर सकिना ही प्रार्थना करताना दिसत आहे.
गदर 2 चित्रपटामधील खैरियत या गाण्याला नेटकऱ्यांची पसंती मिळत आहे. खैरियत गाणे अरिजित सिंह आणि मिथुन यांनी गायले आहे. त्याचबरोबर हे गाणे मिथुनने संगीतबद्ध केले आहे. या गाण्यांना काही वेळात 17 लाख व्ह्यूजपेक्षा जास्त व्ह्यूज आहेत.
खैरियत या गाण्यात तारा सिंह एक पत्र वाचताना दिसत आहे. तो आपल्या मुलाच्या आठवणीत भावूक झालेला दिसत आहे. तर दुसरीकडे सकीनाला देखील आपल्या मुलाची आठवण येत आहे.
पाहा गाणं:
'गदर 2' कधी होणार रिलीज?
'गदर 2' या चित्रपटाची प्रेक्षक उत्सुकतेने वाट बघत आहेत. हा 11 ऑगस्ट रोजी थिएटरमध्ये रिलीज होणार आहे. अनिल शर्मा यांनी या चित्रपटाचं दिग्दर्शन केलं आहे. काही दिवसांपूर्वी या चित्रपटामधील 'ओ घर आजा परदेसी' हे गाणं रिलीज झालं होतं. .या गाण्यात सकिना आणि तारा सिंह यांचा रोमँटिक अंदाज प्रेक्षकांना बघायला मिळाला. या गाण्याला देखील प्रेक्षकांची पसंती मिळाली. 'गदर 2' या चित्रपटाचा टीझर देखील प्रेक्षकांच्या भेटीस आला.
View this post on Instagram
'गदर 2' हा चित्रपट 'गदर एक प्रेम कथा' या चित्रपटाचा सिक्वेल आहे. 'गदर 2' मध्ये सनी देओल आणि अमिषा पाटेल हे प्रमुख भूमिका साकारणार आहेत. गदर एक प्रेम कथाने 22 वर्षांपूर्वी 100 कोटींहून अधिक कमाई केली होती. आता 'गदर 2'हा चित्रपट किती कमाई करेल? याकडे प्रेक्षकांचे लक्ष लागले आहे.
वाचा इतर महत्वाच्या बातम्या:
महत्त्वाच्या बातम्या
ट्रेंडिंग न्यूज
