Ramayan: रणबीर कपूरच्या रामायणाची पहिली झलक आली, चित्रपटाचे दोन्ही भाग कधी येणार?
रणबीर कपूर मागील काही महिन्यांपासून रामायण सिनेमाचं शुटिंग करत आहे. नितेश तिवारीच्या या चित्रपटात तो रामाची भूमिका साकारत आहे
Ramayan: बॉलिवूडूमध्ये सध्या चर्चा सध्या सुरु आहे ती रणबीर कपूरच्या रामायण या चित्रपटाची. या सिनेमाचा पहिला लूक आल्यापासून प्रेक्षकांमध्ये या चित्रपटाबद्दल कुतुहल वाढले आहे. आता या चित्रपटाबद्दल एक नवी अपडेट समोर आली आहे. नमित मल्होत्राचं दिग्दर्शन असणाऱ्या या फिल्मचे दोन पार्ट येत्या दिवाळीमध्ये म्हणजेच 2026 च्या दिवाळीत आणि 2027 च्या दिवाळीत दुसरा भाग प्रदर्शित होणार असल्याचं सांगण्यात आलं आहे. या चित्रपटाची पहिली झलक समोर आहेत.
रणबीर कपूर मागील काही महिन्यांपासून रामायण सिनेमाचं शुटिंग करत आहे. नितेश तिवारीच्या या चित्रपटात तो रामाची भूमिका साकारत आहे. सीतेच्या भूमिकेत साऊथची सुपरस्टार साई पल्लवी दिसणार आहे. या चित्रपटाच्या निर्मात्यांना या चित्रपटाचा पहिला लूक आणि प्रदर्शनाचं वर्षही जाहीर केलं आहे.
नमितनं पोस्टर टाकत लिहिलंय..
या पोस्टखाली नमित मल्होत्रानं लिहिलंय, एका दशकाहून अधिक काळापूर्वी या महाकाव्याला मोठ्या पडद्यावर आणण्यासाठी शोधाशोध केली होती. ज्यांनी ५००० वर्षांहून अधिक कोट्यवधीं लोकांची मनं जिंकली आहेत.याच याला सुंदर आकार येत असल्याचे पाहून मी खूप उत्साही झालोय. कारण आमच्या टीमचा या फिल्मच्या उद्देशावर अथक प्रयत्न करत आहे. जगभरात लोकांना आपला इतिहास, संस्कृती पोहोचवणं गरजेचंय. आपलं रामायण याचाच प्रामाणिक प्रयत्न असेल. पवित्र आणि व्हिज्यूली हैरण करून टाकणारी एक कलाकृती असेल. आमच्या सोबत रहा. आपल्या महान महाकाव्याला गर्व आणि श्रद्ोनं जीवंत करण्याच्या प्रयत्न करत आहोत. असं नमितनं लिहिलंय.
View this post on Instagram
नितेश तिवारी याने दिग्दर्शित केलेल्या रामायण या चित्रपटाचे शुटिंग पूर्ण झाले आहे. या फिल्ममध्ये कौसल्याचा रोल इंदिरा कृष्णन करणार असून जुन्या रामायणात राम साकारलेले अरुण गोविल या चित्रपटात दशरथाची भूमिका साकारणार असल्याचं कळतंय. या चित्रपटाच्या स्टारकास्टबाबत अनेक माहिती समोर आली असून लक्ष्मण, दशरथ, कैकयी, कौसल्या यांच्या भूमिका कोणी केल्या आहेत. याबद्दल नुकताच खुलासा करण्यात आला.
दशरथ कौसल्येच्या भूमिकेत हे कलाकार
दूरदर्शनवर पूर्वी लागणारी रामायण ही पौराणिक मालिका आपल्यापैकी अनेकांनी पाहिली असेल. या मालिकेतील रामाची भूमिका साकारणारे अरुण गोविल हे रामायण या नव्या चित्रपटातही महत्वाच्या भूमिकेत दिसत आहेत. ते या सिनेमात राजा दशरथाच्या भूमिकेत दिसणार आहेत. तर टेलिव्हिजनमधील अनेक मालिकांमध्ये दिसणाऱ्या अभिनेत्री इंदिरा कृष्णन या कौसल्येच्या भूमिकेत दिसणार आहेत.नुकत्याच दिलेल्या एका मुलाखतीत त्यांनी कौसल्या यांची भूमिका मिळाल्याबद्दल आनंतद व्यक्त केला. यात त्यांनी रवी दुबे हे लक्ष्मणाच्या भूमिकेत असल्याचं सांगितलं. तर हा चित्रपट १०० टक्के यशस्वी होईल असेही सांगितलं.
महत्त्वाच्या बातम्या
