Dwayne Johnson : ड्वेन जॉनसनचं कमबॅक! 'फास्ट अ‍ॅन्ड फ्युरियस' सिनेमात झळकणार

Dwayne Johnson : ड्वेन जॉनसन लवकरच 'फास्ट अॅन्ड फ्युरियस' या सिनेमात झळकणार आहे.

Dwayne Johnson

Dwayne Johnson : अभिनेता ड्वेन जॉनसन (Dwayne Johnson) नेहमीच त्याच्या सिनेमांमुळे आणि सोशल मीडियावरील वादग्रस्त पोस्टमुळे चर्चेत असतो. 'द रॉक' या नावाने तो तरुणांमध्ये लोकप्रिय आहे. गेल्या काही दिवसांपासून सिनेसृष्टीपासून दूर असलेल्या ड्वेनने आता पुन्हा एकदा कमबॅक करण्याचा निर्णय घेतला आहे. ड्वेन जॉनसन लवकरच 'फास्ट अॅन्ड फ्युरियस' (Fast And Furious) या सिनेमात झळकणार आहे. 

'फास्ट अॅन्ड फ्युरियस' या सिनेमात ड्वेन जॉनसन हॉब्सच्या भूमिकेत झळकणार आहे. ड्वेनने एक व्हिडीओ शेअर करत लिहिलं आहे की,"फास्ट अॅन्ड फ्युरियस' या सिनेमात हॉब्सच्या भूमिकेच्या माध्यमातून कमबॅक करण्यासाठी आता मी सज्ज आहे. जगभरातील सिनेप्रेमींचा प्रतिसाद जाणून घेण्यासाठी आम्ही उत्सुक आहोत. मीडिया रिपोर्टनुसार, 'फास्ट अॅन्ड फ्युरियस' या सिनेमातील कथानक खूपच खास असणार आहे. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Dwayne Johnson (@therock)

डब्ल्यूडब्लूई अभिनेत्याने स्पष्टीकरण दिल्यानुसार, डीजलसोबतच माझे मतभेद झाले होते. आता या वादांकडे मी दुर्लक्ष केलं आहे. आता नव्या गोष्टींच्या माध्यमातून प्रेक्षकांच्या भेटीला येण्यासाठी मी सज्ज आहे. आता आवडीची गोष्ट करण्यासाठी मी उत्सुक आहे. माझ्या प्रेक्षकांसाठी काम करायचं मी ठरवलं आहे. 

ड्वेन जॉनसनबद्दल जाणून घ्या... (Who Is Dwayne Johnson)

ड्वेन जॉनसनचा जगभरात मोठा चाहतावर्ग आहे. आजवर त्याने अनेक सुपरहिट सिनेमांत काम केलं आहे. आपल्या अभिनयाने त्याने चाहत्यांची मने जिंकली आहेत. 'द स्कोर्पियन किंग', 'द रनडाउन' अशा अनेक सिनेमांत त्याने काम केलं आहे. मीडिया रिपोर्टनुसार, हॉलिवूडमध्ये येण्याआधी ड्वेन WWE चा एक आघाडीचा रेसलर होता. 

ड्वेन जॉनसन आज कोट्यवधींचा मालक आहे. 2018 मध्ये तो सर्वाधिक कमाई करणारा अभिनेता होता. 840 कोटींच्या संपत्तीचा तो मालक होता. एका वर्षाला ड्वेन कोट्यवधी आणि अब्जवधीची कमाई करतो. ड्वेनचं आलिशान घर असून या घराची किंमत 33 कोटी असल्याचं म्हटलं जात आहे. ड्वेन जॉनसनला आता पुन्हा एकदा रुपेरी पडद्यावर पाहण्यासाठी चाहते उत्सुक आहेत. ड्वेन जॉनसन आज ट्रेडिंगमध्ये आहे. चाहत्यांना त्याच्या आगामी सिनेमाची प्रतीक्षा आहे. लवकरच ड्वेन या सिनेमाच्या शूटिंगला सुरुवात करणार आहे.

संबंधित बातम्या