Shah Rukh Khan: किंग खानचा 58 वा वाढदिवस असणार खास; चाहत्यांना मिळणार 'हे' गिफ्ट

Shah Rukh Khan: शाहरुखच्या वाढदिवशी चाहत्यांना कोणतं गिफ्ट मिळणार आहे? याबाबत जाणून घेऊयात...  

Shah Rukh Khan

Source : Instagram/ShahRukhKhanUniverse

Shah Rukh Khan: बॉलिवूडमधील प्रसिद्ध अभिनेता शाहरुख खान (Shah Rukh Khan) हा गेल्या काही महिन्यांपासून बॉक्स ऑफिसवर राज्य करतोय. त्याच्या पठाण (Pathaan) आणि जवान (Jawan) या चित्रपटांनी बॉक्स ऑफिसवर धुमाकूळ घातला. या दोन्ही चित्रपटांनी केवळ देशातीलच नाही तर परदेशातील प्रेक्षकांची देखील मनं जिंकली. आता 2 नोव्हेंबर रोजी शाहरुखचा 58 वा वाढदिवस आहे. त्याचा वाढदिवसाला चाहत्यांना एक खास गिफ्ट मिळणार आहे. शाहरुखच्या वाढदिवशी चाहत्यांना कोणतं गिफ्ट मिळणार आहे? याबाबत जाणून घेऊयात...  

शाहरुख खानचा 2 नोव्हेंबर रोजी वाढदिवस आहे. त्याच्या वाढदिवसाला डंकी या आगामी चित्रपटाचा टीझर लाँच होणार आहे. डंकी चित्रपटाचे दिग्दर्शक राजकुमार हिरानी हे देखील किंग खानच्या चाहत्यांना एक खास भेट देणार आहेत. एका रिपोर्टनुसार, शाहरुख खान स्वत: डंकीचा टीझर लॉन्च इव्हेंट होस्ट करणार आहे. सेन्सॉर बोर्डाने डंकी चित्रपटाच्या टीझरला यू सर्टिफिकेट दिले आहे. या चित्रपटाचे दोन टीझर प्रेक्षकांच्या भेटीस येणार आहेत. डंकी हा चित्रपट 22 डिसेंबर 2023 रोजी प्रेक्षकांच्या भेटीला येणार आहे.

डंकी चित्रपटाची स्टार कास्ट

शाहरुख खान व्यतिरिक्त अभिनेत्री तापसी पन्नू, दिया मिर्झा, बोमन इराणी हे देखील  डंकी या चित्रपटामध्ये महत्त्वाच्या भूमिकेत दिसणार आहेत. या चित्रपटात विकी कौशल कॅमिओ भूमिका साकारताना दिसणार आहे, असंही म्हटलं जात आहे.

डंकी कधी होणार रिलीज?

डंकी हा चित्रपट 22 डिसेंबर 2023 रोजी प्रेक्षकांच्या भेटीला येणार आहे. राजकुमार हिरानी दिग्दर्शित या चित्रपटाची निर्मिती शाहरुख खानची पत्नी गौरी खान आणि ज्योती देशपांडे करत आहेत. यशराज फिल्म्सने या चित्रपटाची निर्मिती केली आहे.

 

 

 

 

 

View this post on Instagram

 

 

 

 

 

 

 

 

 

 

 

A post shared by Sumit Kadel (@sumitkadelofficial)

तसेच शाहरुखच्या वाढदिवसाला आणखी एक गिफ्ट चाहत्यांना मिळणार आहे. शाहरुखचा जवान हा चित्रपट ओटीटीवर रिलीज होणार आहे. जवान हा चित्रपट 2 नोव्हेंबर रोजी नेटफ्लिक्स या ओटीटी प्लॅटफॉर्मवर रिलीज होत आहे. 'जवान' हा सिनेमा 7 सप्टेंबर 2023 रोजी प्रेक्षकांच्या भेटीला  आला.या चित्रपटात  शाहरुख खान, नयनतारा, विजय सेतूपती सान्या मल्होत्रा, प्रियामणी, रिद्धी डोगरा, गिरीजा ओक आणि सुनील ग्रोवर या कलाकारांनी प्रमुख भूमिका साकारली.

इतर महत्वाच्या बातम्या: