Deepika Padukone Health Update : दीपिका पादुकोणची सेटवर प्रकृती बिघडली; रुग्णालयात दाखल

Deepika Padukone : बॉलिवूड अभिनेत्री दीपिका पादुकोणला रुग्णालयात दाखल करण्यात आले.

Deepika Padukone

Deepika Padukone : बॉलिवूड अभिनेत्री दीपिका पादुकोणला (Deepika Padukone) सेटवर प्रकृती बिघडल्याने रुग्णालयात दाखल करण्यात आले आहे. दीपिका सध्या हैदराबादमध्ये तिच्या आगामी सिनेमाचे शूटिंग करत आहेत. या सिनेमात दीपिका दाक्षिणात्य सुपरस्टार प्रभाससोबत दिसणार आहेत. हैदराबादच्या रामोजी फिल्मसिटीमध्ये या सिनेमाचे शूटिंग सुरू आहे. सेटवरच दीपिकाची प्रकृती बिघडल्याने तिला लगेचच रुग्णालयात दाखल करण्यात आले. पण आता तिची प्रकृती सुधारल्याचे म्हटले जात आहे. 

दीपिका सध्या 'प्रोजेक्ट के' या सिनेमाचे शूटिंग करत आहे. अचानक तिच्या हृदयाचे ठोके वाढल्याने तिला रुग्णालयात दाखल करण्यात आले होते. पण आता तिची प्रकृती सुधारली असून ती सेटवर परतली आहे. तिने शूटिंगलादेखील सुरुवात केली आहे. 12 जूनला तिला अस्वस्थ वाटत असल्याने ती हैदराबादमधील एका रुग्णालयात गेली होती. 

दीपिकाचे आगामी प्रोजेक्ट

दीपिकाचा 'पठाण' सिनेमा लवकरच प्रेक्षकांच्या भेटीला येणार आहे. या सिनेमात दीपिकासोबत शाहरुख खानदेखील दिसणार आहे. दीपिकाने शाहरुखसोबत तिच्या सिनेसृष्टीतील करिअरला सुरुवात केली होती. आता पुन्हा एकदा 'पठाण'च्या माध्यमातून दोघे स्क्रिन शेअर करताना दिसणार आहेत. 'पठाण' नंतर दीपिकाचा 'फायटर' सिनेमा प्रेक्षकांच्या भेटीला येणार आहे. या सिनेमात दीपिका ऋतिक रोशन सोबत दिसणार आहे. तसेच दीपिका प्रभाससोबत 'प्रोजेक्ट के'मध्येदेखील दिसणार आहे. 

75 व्या कान्स फिल्म फेस्टिव्हलच्या ज्युरी मेंबर्सच्या यादीत दीपिकाचं नाव

75 वा कान्स फिल्म फेस्टिव्हल नुकताच पार पडला. या महोत्सवात दीपिकाचे नाव ज्युरी मेंबर्सच्या यादीत होते. दीपिकाने बॉलिवूडसह हॉलिवूडमध्येदेखील विशेष ओळख निर्माण केली आहे. दीपिकानं 'ओम शांती ओम' या सिनेमाच्या माध्यमातून बॉलिवूडमध्ये पदार्पण केलं. काही दिवसांपूर्वी रिलीज झालेल्या गेहरांईया या सिनेमातील दीपिकाच्या अभिनयाला प्रेक्षकांची पसंती मिळाली होती. 

संबंधित बातम्या