![ABP Premium](https://cdn.abplive.com/imagebank/Premium-ad-Icon.png)
Vicky Jain : उद्योगपती ते 'बिग बॉस 17'चा स्पर्धक; अंकिता लोखंडेचा पती विकी जैन कोण आहे? जाणून घ्या
Bigg Boss 17 : अंकिता लोखंडेचा पती (Anikita Lokhande) विकी जैन (Vicky Jain) 'बिग बॉस 17'मध्ये सहभागी झाला आहे.
![Vicky Jain : उद्योगपती ते 'बिग बॉस 17'चा स्पर्धक; अंकिता लोखंडेचा पती विकी जैन कोण आहे? जाणून घ्या Bigg Boss 17 Contestant Vicky Jain Complete Details Vicky Jain Detailed Profile bigg boss 17 Salman Khan introduce Vicky Jain Vicky Jain : उद्योगपती ते 'बिग बॉस 17'चा स्पर्धक; अंकिता लोखंडेचा पती विकी जैन कोण आहे? जाणून घ्या](https://feeds.abplive.com/onecms/images/uploaded-images/2023/10/16/25c4b02b0c4eadaae7fe1501fe0cb1fc1697449144423254_original.jpg?impolicy=abp_cdn&imwidth=1200&height=675)
Vicky Jain : 'बिग बॉस 17' (Bigg Boss 17) हा छोट्या पडद्यावरील लोकप्रिय कार्यक्रम असून आता या कार्यक्रमाचा ग्रँड प्रीमियर पार पडला आहे. 'पवित्र रिश्ता' फेम अंकिता लोखंडेसह (Ankita Lokhande) तिच्या पतीची अर्थात विकी जैनची (Vicky Jain) 'बिग बॉस 17'मध्ये एन्ट्री झाली आहे.
अंकिता लोखंडे आणि विकी जैन 2021 मध्ये लग्नबंधनात अडकली. त्यानंतर दोघेही एकमेकांसोबतचे फोटो आणि व्हिडीओ शेअर करत असे. आता अंकिता आणि विकीची जोडी 'बिग बॉस'मध्ये धमाका करायला सज्ज आहे. 'बिग बॉस 17'मध्ये विकी जैनची एन्ट्री झाल्यापासून तो नक्की कोण आहे हे जाणून घेण्याची प्रेक्षकांना उत्सुकता लागली आहे.
उद्योगपती ते 'बिग बॉस 17'चा स्पर्धक
विकी जैन हा छत्तीसगड येथील रायपुरात राहणारा आहे. तो एक उद्योगपती आहे. पण कामामुळे तो मुंबईत असतो. मीडिया रिपोर्टनुसार, विकी जैनचं खरं नाव विकास कुमार जैन आहे. विकीच्या वडिलांचं नाव विनोद कुमार जैन असून आईचं नाव रंजना जैन आहे. विकीचं शालेय शिक्षणंही मुंबईत झालं आहे.
View this post on Instagram
शिक्षण पूर्ण केल्यानंतर विकी जैनने व्यवसाय सांभाळायला सुरुवात केली. 'महावीर कोल वॉशरीज प्राइवेट लिमिटेड' या कंपनीचा तो एमडी होता. तसेच महावीर इंस्पायर ग्रुपचा तो को-ओनरदेखील होता.
अंकिता लोखंडेच्या पतीनेही मुंबईतही 8BHK अपार्टमेंट घेतला आहे. जिथे हे जोडपे लवकरच शिफ्ट होणार आहेत. विकीकडे 'लँड क्रूझर' (Land Cruiser) आणि 'मर्सिडीज-बेंझ' (Mercedes-Benz) कारचे कलेक्शन आहे. कार कलेक्शनच्या बाबतीत अंकिताही मागे नाहीय तिच्याकडे 'जॅग्वार एक्सएफ' (Jaguar XF) आणि 'पोर्श 718' (Porsche 718) आहेत.
विकी स्वतः देखील एक व्यावसायिक आहे आणि याच अनुषंगाने तो मुंबईत ये-जा करत असतो. दरम्यान, मित्राच्या माध्यमातून त्याची अंकिता लोखंडेसोबत गाठ पडली. आधी त्यांची मैत्री झाली आणि नंतर ते प्रेमात पडले. तब्बल तीन वर्षांनी दोघांचे लग्न झाले. आता अंकिता लोखंडे आणि विकी जैनला पुन्हा एकदा छोट्या पडद्यावर पाहण्यासाठी चाहते उत्सुक आहेत.
संबंधित बातम्या
Bigg Boss 17 : पहिल्यांदाच तीन घरांत रंगणार 'बिग बॉस 17'चा खेळ! आलिशान घर, थीम अन् स्पर्धक; जाणून घ्या सर्वकाही एका क्लिकवर...
महत्त्वाच्या बातम्या
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)
![उमेश अलोणे, एबीपी माझा](https://feeds.abplive.com/onecms/images/author/edf3be0fff591493dbcd992552913783.jpeg?impolicy=abp_cdn&imwidth=70)