एक्स्प्लोर

Ankita Lokhande : अंकिता लोखंडे आई होणार? प्रेग्नंसीच्या चर्चांवर म्हणाली,"बिग बॉस'च्या घरात बाळ होणार"

Bigg Boss 17 : अंकिता लोखंडे प्रेग्नंट असल्याच्या चर्चा सुरू असून अभिनेत्रीने आता या चर्चांवर भाष्य केलं आहे.

By : एबीपी माझा एंटरटेनमेंट डेस्क | Edited By: मंजिरी पोखरकर | Updated at : 17 Oct 2023 07:01 AM (IST)

Ankita Lokhande

Ankita Lokhande On Pregnancy Rumours : 'बिग बॉस 17' (Bigg Boss 17) हा बहुचर्चित वादग्रस्त कार्यक्रम आता प्रेक्षकांच्या भेटीला आला आहे. एकापेक्षा एक स्पर्धक या कार्यक्रमात सहभागी झाले आहेत. 'पवित्र रिश्ता' (Pavitra Rishta) फेम अंकिता लोखंडेही पती विकी जैनसह (Vicky Jain) 'बिग बॉस'मध्ये सहभागी झाली आहे. अशातच अभिनेत्रीचं प्रेग्नंसीच्या चर्चेवर केलेलं वक्तव्य सध्या चर्चेत आलं आहे.

'बिग बॉस'च्या घरात जाण्याआधी इंडिया टुडेला दिलेल्या मुलाखतीत प्रेग्नंसीच्या चर्चांवर बोलताना अंकिता लोखंडे म्हणाली,"नाही..नाही.. खरचं मी प्रेग्नंट आहे. (हसत)... 'बिग बॉस'च्या घरातच बाळ येणार आहे. या फक्त कल्पना आहेत...मी मजेत म्हणाले".

अंकिता लोखंडे खरचं प्रेग्नंट आहे का?

अंकिता पुढे म्हणाली,"अफवांना कशी सुरुवात होते हे मला माहीत नाही. मी अनेकदा सोशल मीडियावर माझे बेबी बंप असलेले फॉटोशॉप केलेले फोटो पाहते. यासर्व गोष्टी कोण करतं याची मला पर्वा नाही. बिग बॉसच्या घरातून बाहेर पडल्यानंतर मी प्रेग्नंसीचा नक्कीच विचार करेल. माझी प्रेग्नंसची ही चांगली बातमी असेल. अफवांवर माझा विश्वास नाही. पण बिग बॉसच्या घरातून बाहेर पडल्यानंतर या अफवा मी कऱ्या करेल".

'बिग बॉस 17'मध्ये एन्ट्री करण्याबाबत विकी जैन म्हणाला,"अंकिता आणि मी 'बिग बॉस' या कार्यक्रमाचे मोठे चाहते आहोत. बिग बॉसचं प्रत्येक पर्व आम्ही पाहिलं आहे. या घरात घडणाऱ्या प्रत्येक छोट्या गोष्टीवरही आम्ही सविस्तर चर्चा केली आहे. आम्हाला विचारणा झाल्यानंतर एक चांगली संधी म्हणून आम्ही 'बिग बॉस 17'मध्ये जाण्याचा निर्णय घेतला. माझ्यासारखा उद्योगपती या पर्वात काय करणार हे जाणून घेण्यासाठी माझ्या कुटुंबियांसह मीदेखील उत्सुक आहे".

अंकिता लोखंडे सर्वात महागडी स्पर्धक!

अंकिता लोखंडे 'बिग बॉस 17'मधली सर्वात महागडी स्पर्धक आहे. इतर स्पर्धकांपेक्षा तिने सर्वाधिक मानधन घेतलं आहे. एका आठवड्यासाठी अभिनेत्रीने 12 लाख रुपयांचं मानधन घेतलं आहे. तसेच 200 कपड्यांसह अभिनेत्रीने 'बिग बॉस'च्या घरात प्रवेश केल्याची चर्चा आहे.

अंकिता लोखंडेची गणना बॉलिवूडच्या लोकप्रिय अभिनेत्रींमध्ये केली जाते. 'बागी 3, 'मणिकर्णिका' या सिनेमांत अभिनेत्रीच्या अभिनयाची जादू पाहायला मिळाली आहे. पण 'पवित्र रिश्ता' या मालिकेमुळे ती घराघरांत पोहोचली. अंकिताला आता 'बिग बॉस'मध्ये पाहण्यासाठी चाहते उत्सुक आहेत. तसेच तिच्या आगामी कलाकृतींचीही ते प्रतीक्षा करत आहेत.

संबंधित बातम्या