पहिला सेलिब्रिटी क्रश कोणता? 'बाईपण भारी देवा'मधील अभिनेत्रींनी दिलेल्या उत्तरांनी वेधलं लक्ष

एका मुलाखतीमध्ये बाईपण भारी देवा (Baipan Bhaari Deva)  या चित्रपटांमधील अभिनेत्रींना काही प्रश्न विचारण्यात आले.

Baipan Bhaari Deva

Baipan Bhaari Deva: 'बाई पण भारी देवा' (Baipan Bhaari Deva)  या चित्रपटाला प्रेक्षकांची पसंती मिळाली आहे. या चित्रपटानं बॉक्स ऑफिसवर धुमाकूळ घातला. एका मुलाखतीमध्ये बाईपण भारी देवा या चित्रपटांमधील अभिनेत्रींना काही प्रश्न विचारण्यात आले. या प्रश्नांना या अभिनेत्रींनी दिलेल्या उत्तरांनी अनेकांचे लक्ष वेधले.

पहिला सेलिब्रिटी क्रश कोणता? असा प्रश्न बाईपण भारी देवा या चित्रपटामधील अभिनेत्रींना विचारण्यात आला. या प्रश्नाला उत्तर देत वंदना गुप्ते यांनी सांगितलं की, 'सुनील गावस्कर हा त्यांचा पहिला सेलिब्रिटी क्रश होता.' तर  सुचित्र बांदेकर या म्हणाल्या की, 'माझा सेलिब्रिटी क्रश हा अनिल कपूर होता. '

सुकन्या कुलकर्णी या देखील म्हणाल्या की, 'माझा सेलिब्रिटी क्रश देखील अनिल कपूर होता. मी ईश्वर या चित्रपटात त्याच्यासोबत काम केलं.' त्यानंतर शिल्पा नवलकर म्हणाल्या, 'क्रिकेटर संजय मांजरेकरवर क्रश होता. मी कॉलेजमध्ये असताना माझ्या बेडरुमच्या दाराच्या मागच्या बाजूला संजय मांजरेकरचा फोटो लावला होता.'

फसलेला पहिला पदार्थ कोणता असा प्रश्न विचारल्यानंतर वंदना गुप्ते म्हणाल्या, 'पुरणपोळी'. त्यानंतर सुचित्र बांदेकर म्हणाल्या, 'पोहे हा माझा पहिला फसलेला पदार्थ' पुढे सुकन्या कुलकर्णी म्हणाल्या, 'भेंडीची भाजी हा माझा पहिला फसलेला पदार्थ आहे.'

 रोहिणी हट्टंगडी (Rohini Hattangadi), वंदना गुप्ते (Vandana Gupte), सुकन्या मोने (Sukanya Mone), सुचित्रा बांदेकर (Suchitra Bandekar), शिल्पा नवलकर (Shilpa Navalkar) आणि दीपा परब (Deepa Parab) या अभिनेत्रींनी बाईपण भारी देवा या चित्रपटात प्रमुख भूमिका साकारली आहे.  या चित्रपटाचं दिग्दर्शन केदार शिंदे यानं केलं.   'बाईपण भारी देवा'  हा चित्रपट 30 जून रोजी प्रेक्षकांच्या भेटीस आला. सोशल मीडियावरील पोस्टच्या माध्यमातून प्रेक्षक आणि सेलिब्रिटी या चित्रपटाचं कौतुक करत आहेत.  अभिनेता जमनादास मजेठिया यांनी देखील या चित्रपटाचं कौतुक केलं आहे. केदार शिंदे यांनी नुकताच एक व्हिडीओ सोशल मीडियावर शेअर केला आहे. यामध्ये दिसले की  अभिनेता जमनादास मजेठिया हे 'बाईपण भारी देवा'   या चित्रपटाचं कौतुक करत आहेत.

 

 

 

 

 

View this post on Instagram

 

 

 

 

 

 

 

 

 

 

 

A post shared by Jio Marathi (@jiostudiosmarathi)

संबंधित बातम्या