Akshay Kumar Mother Death : अभिनेता अक्षय कुमारला मातृशोक, अक्षयच्या आई अरुणा भाटिया यांचं निधन
Akshay Kumar Mother Death : बॉलिवूड अभिनेता अक्षय कुमारला मातृशोक झाला आहे. अक्षय कुमारची आई अरुणा भाटिया यांचं आज निधन झालं.
Akshay Kumar Mother Died : बॉलिवूडचा खिलाडी अक्षय कुमारच्या आई अरुणा भाटिया यांचं आज निधन झालं आहे. अक्षय कुमारनं स्वतः ट्वीट करत ही दुःखद बातमी चाहत्यांसोबत शेअर केली. अक्षय कुमारनं शोक व्यक्त करत म्हटलं आहे की, मला आज अतिव दु:ख झालंय. माझ्या आईनं आज हे जग सोडलंय आणि दुसऱ्या जगात असलेल्या माझ्या वडिलांकडे गेली. दरम्यान, गेल्या बऱ्याच दिवसांपासून अक्षय कुमारची आई अरुणा भाटीया या बऱ्याच दिवसांपासून आजारी होत्या. काही दिवसांपूर्वी त्यांना मुंबईतील पवई येथील हिरानंदानी रुग्णालयात दाखल करण्यात आलं होतं. इथेच त्यांच्यावर उपचार सुरु होते.
आईच्या निधनानंतर शोक व्यक्त करत अक्षय कुमारनं एक ट्वीट केलं आहे. अक्षयनं ट्वीटमध्ये म्हटलं आहे की, "ती माझं सर्वकाही होती. आणि आज मी असहय्य वेदना जाणवत आहेत. माझी आई श्रीमती अरुणा भाटिया हिनं आज सकाळी शांततेत या जगाचा निरोप घेतला आणि दुसऱ्या जगात माझ्या वडिलांकडे पोहोचली. मी तुमच्या प्रार्थनांचा आदर करतो. कारण मी आणि माझं कुटुंब यातून जात आहे. ओम शांती"
यापूर्वी अभिनेता अक्षय कुमारनं आपल्या आईसाठी प्रार्थना करण्याचं आवाहन चाहत्यांकडे केली होती. त्यासाठी त्यानं एक ट्वीट केलं होतं. अक्षय म्हणाला होता की, "माझी आईच्या आरोग्यासाठी तुमची चिंता आणि प्रार्थना पाहून मी भारावून गेलोय. मी आणि माझ्या कुटुंबियांसाठी ही अत्यंत कठिण वेळ आहे. तुम्हा सर्वांच्या प्रार्थनांमुळे खूप मदत होईल."
दरम्यान, काही दिवसांपूर्वी अरुणा भाटीया यांना मुंबईतील पवई येथील हिरानंदानी रुग्णालयात दाखल करण्यात आलं होतं. त्यांच्यावर आयसीयूमध्ये उपचार सुरु होते. रुग्णालयात दाखल केलं त्यावेळी अरुणा यांची प्रकृती गंभीर होती. अक्षय कुमार त्यावेळी चित्रिकरणात व्यस्त होता. तो आपला आगामी चित्रपट 'सिंड्रेला'च्या शूटिंगसाठी लंडनमध्ये होता. पण जसं अक्षयला आईच्या आजारपणाबाबत माहिती मिळाली, तो तत्काळ लंडनहून मुंबईत दाखल झाला.
महत्त्वाच्या बातम्या
