Armaan Malik Wife Payal Welcome Twins: युट्यूबर अरमान मलिकच्या पहिल्या पत्नीनं दिली गोड बातमी; जुळ्यांना दिला जन्म
अरमाननं (Armaan Malik) सोशल मीडियावर पोस्ट शेअर करुन चाहत्यांना गूडन्यूज दिली आहे. त्याची पहिली पत्नी पायल मलिकानं (Payal Malik) जुळ्या मुलांना जन्म दिला आहे.
Armaan Malik Wife Payal Welcome Twins: प्रसिद्ध युट्यूबर अरमान मलिक (Armaan Malik) हा चार मुलांचा बाबा झाला आहे. काही दिवसांपूर्वी त्याची दुसरी पत्नी कृतिका मलिकनं (Kritika Malik) नं एका मुलाला जन्म दिला. आता त्याची पहिली पत्नी पायल मलिकानं (Payal Malik) जुळ्या मुलांना जन्म दिला आहे. अरमाननं सोशल मीडियावर पोस्ट शेअर करुन चाहत्यांना ही गूडन्यूज दिली आहे.
अरमान मलिकने त्याच्या इंस्टाग्राम अकाउंटवर हॉस्पिटलमधील एक फोटो शेअर केला आहे.या फोटोमध्ये अरमानचे संपूर्ण कुटुंब दिसत आहे. फोटोमध्ये अरमानची पहिली पत्नी पायल, दुसरी पत्नी कृतिका, अरमान आणि पायलचा मोठा मुलगा चिरायू दिसत आहेत. फोटो शेअर करत अरमानने आनंदाची बातमी दिली. त्यानं या पोस्टमध्ये लिहिलं, 'पायल आई झाली आहे.'
पायलने सांगितले होते की तिची डिलिव्हरी 1 मे रोजी होणार आहे. 5 मे रोजी डिलिव्हरी व्हावी, अशी पायलची इच्छा होती, कारण त्या दिवशी तिचा मोठा मुलगा चिरायूचा वाढदिवस आहे. मात्र, नववा महिना सुरू होताच पायलची डिलिव्हरी झाली. आता पायलच्या जुळ्या मुलांना पाहण्यासाठी चाहते उत्सुक आहेत.
अरमान मलिकची दुसरी पत्नी कृतिकाचा तीन वेळा गर्भपात झाला होता. त्यानंतर काही दिवसांपूर्वी कृतिकानं गूड न्युज दिली. त्यानंतर आता अरमानची पहिली पत्नी पायल मलिकनं जुळ्यांना जन्म दिला आहे. अरमानच्या कुटुंबाला सोशल मीडियाच्या माध्यमातून चाहते शुभेच्छा देत आहेत.
View this post on Instagram
काही दिवसांपूर्वी एबीपी न्युजला दिलेल्या मुलाखतीमध्ये अरमानला ट्रोलर्सबाबत प्रश्न विचारण्यात आला. यावेळी अरमान मलिक म्हणाला, 'हजार लोक कमेंट करत असतात. लोक माझे व्लॉग बघतात. ज्यांचे विचार छोटे असतात ते अशा प्रकारचे निगेटिव्ह कमेंट्स करतात. मी माझ्या कुटुंबाचे कोणतेही फोटो शेअर करेल. ट्रोल करणाऱ्यांच्या कमेंट्समुळे मला काहीच फरक पडत नाही. '
कोण आहे अरमान?
अरमान मलिक हा प्रसिद्ध युट्यूबर आहे. तो युट्यूबवर त्याचे व्लॉग अपलोड करतो. अरमाननं पायलसोबत 2011 मध्ये लग्न केले. त्यानंतर त्यानं 2018 मध्ये कृतिकासोबत लग्न केलं. अरमान त्याच्या दोन्ही पत्नींसोबत एकाच घरात राहतो.
वाचा इतर महत्वाच्या बातम्या:
Before You Go
Celebrity vs Politicians Cricket Match Sangli: सिद्धार्थ जाधवची फटकेबाजी, विशाल पाटलांची जबरदस्त फिल्डिंग
महत्त्वाच्या बातम्या
