AR Rahman, Sachin Tendulkar: फ्रेंडशिप गोल्स! सचिन तेंडूलकर आणि ए.आर. रहमान यांची ग्रेट-भेट, फोटो सोशल मीडियावर व्हायरल
ए.आर. रहमाननं (AR Rahman) आणि सचिन तेंडूलकर (Sachin Tendulkar) यांचा फोटो सध्या सोशल मीडियावर व्हायरल झाला आहे. या फोटोला नेटकऱ्यांची पसंती मिळत आहे.
AR Rahman, Sachin Tendulkar: प्रसिद्ध संगीतकार ए.आर. रहमान (AR Rahman) आणि क्रिकेटर सचिन तेंडूलकर (Sachin Tendulkar) यांचा एक खास फोटो नुकताच व्हायरल झाला आहे. या फोटोमध्ये सचिन आणि ए.आर. रहमान यांच्यामधील मैत्री दिसत आहेत. ए.आर. रहमाननं हा फोटो ट्विटरवर शेअर केला. हा फोटो शेअर करुन त्यानं कॅप्शनमध्ये लिहिलं, 'मास्टर-ब्लास्टर सचिन तेंडूलरसोबत हँग-आऊट करताना.' कॅप्शनमध्ये ए.आर. रहमाननं फ्रँडशिप गोल्स या हॅशटॅगचा वापर केला आहे. तसेच त्यानं सचिनला या ट्वीटमध्ये टॅग देखील केलं आहे.
नेटकऱ्यांनी केल्या कमेंट्स
ए.आर. रहमाननं ट्विटरवर शेअर केलेला फोटो सचिननं रिट्वीट केला. रिट्वीट करत त्यानं कॅप्शनमध्ये लिहिलं, 'रविवारी ए.आर. रहमानसोबत खास वेळ घालवला.' ए.आर. रहमान आणि सचिन यांच्या या फोटोला अनेक नेटकऱ्यांनी कमेंट्स केल्या आहेत. एका नेटकऱ्यांनी कमेंट केली, 'दोघांचा हा फोटो पाहून खूप छान वाटलं.' तर दुसऱ्या युझरनं कमेंट केली, 'दोन दिग्गज एकाच फोटोमध्ये, खूप छान फोटो आहे.' ए.आर. रहमान आणि सचिन तेंडूलकर यांनी या भेटीदरम्यान कोणत्या विषयावर चर्चा केली? असा प्रश्न दोघांच्या चाहत्यांना पडला आहे.
A Sunday well spent with இசைப்புயல்! ♥️🎶 https://t.co/nDB5m3Bh5R
— Sachin Tendulkar (@sachin_rt) October 17, 2022
फोटोला युझर्सची पसंती
सचिन आणि ए.आर. रहमान यांच्या या फोटोला नेटकऱ्यांची पसंती मिळाली आहे. 48 हजारपेक्षा जास्त नेटकऱ्यांनी या फोटोला लाइक केलं आहे. तर तीन हजारपेक्षा जास्त युझर्सनं हा फोटो रिट्वीट केला आहे.
पथु थळा या आगामी चित्रपटाचं संगीत दिग्दर्शन ए.आर. रहमान करणार आहे. हा चित्रपट डिसेंबरमध्ये प्रेक्षकांच्या भेटीस येणार आहे, असं म्हटलं जात आहे. नुकतेच त्यानं मणिरत्नम यांच्या पोन्नयिन सेल्वन-1 या चित्रपटाचं संगीत दिग्दर्शन केलं. या चित्रपटाला प्रेक्षकांची पसंती मिळाली. या चित्रपटात ऐश्वर्या राय, विक्रम, जयम रवी , कार्ती आणि शोभिता धुलिपाला या कलाकारांनी प्रमुख भूमिका साकारली आहे. ए.आर. रहमानच्या गाण्यांना प्रेक्षकांची नेहमी पसंती मिळते.
वाचा इतर महत्त्वाच्या बातम्या:
महत्त्वाच्या बातम्या
