एक्स्प्लोर

Anushka Sharma Production House : अनुष्का शर्मा स्वत:च्या निर्मिती कंपनीतून झाली पायउतार, सख्ख्या भावासोबतची भागीदारी तोडली

Anushka Sharma : अनुष्का शर्माने तिच्या ‘क्लीन स्लेट फिल्म्स’ प्रॉडक्शन हाऊसला रामराम केला आहे.

Written By : एबीपी माझा वेब टीम | Edited By: मंजिरी पोखरकर | Updated at : 19 Mar 2022 08:55 PM (IST)

Anushka_Sharma

Anushka Sharma : बॉलिवूड अभिनेत्री अनुष्का शर्माने (Anushka Sharma) एक मोठा निर्णय घेतला आहे. 2013 साली अनुष्काने ‘क्लीन स्लेट फिल्म्स’ (Clean Slate Filmz) नावाचे प्रॉडक्शन हाऊस सुरू केले होते. अनुष्काने तिचा भाऊ कर्णेशसोबत हे प्रॉडक्शन हाऊस सुरू केले. पण आता अनुष्काने या प्रॉडक्शन हाऊसला रामराम केला आहे.

अनुष्काने प्रॉडक्शन हाऊसला नुकताच रामराम केला आहे. सोशल मीडियाच्या माध्यमातून तिने यासंदर्भात माहिती दिली आहे. या प्रॉडक्शन हाऊस अंतर्गत अनुष्काने ‘NH 10’, ‘फिलौरी’, ‘परी’ यांसारख्या चित्रपटांची आणि ‘पाताल लोक’ या वेब सीरिजची निर्मिती केली आहे.

View this post on Instagram

A post shared by AnushkaSharma1588 (@anushkasharma)

अनुष्काने तिच्या पोस्टमध्ये म्हटले आहे,"कर्नेश ‘क्लीन स्लेट फिल्म्स’ या प्रॉडक्शन हाऊसची जबाबदारी व्यवस्थित पूर्ण करेल, असा माझा ठाम विश्वास आहे. या कंपनीला आणि कर्नेशला माझी साथ नेहमीच असेल. भविष्यात मी या निर्मिती संस्थेच्या बॅनरअंतर्गत काम करण्यास उत्सुकदेखील आहे". अनुष्काचा‘चकदा एक्स्प्रेस’ हा सिनेमा लवकरच प्रेक्षकांच्या भेटीला येणार आहे.

संबंधित बातम्या