Anupam Kher Vanshika Kaushik Video: सतीश कौशिक यांच्या लेकीनं केला अनुपम खेर यांच्यासोबत डान्स; व्हिडीओ शेअर करत म्हणाली, 'बाबा चांगले डान्सर होते...'

सतीश कौशिक (Satish Kaushik)  यांची मुलगी वंशिका कौशिक (Vanshika Kaushik) हिने सोशल मीडियावर एक व्हिडीओ शेअर केला आहे.

anupam kher,Satish Kaushik, vanshika kaushik

Anupam Kher Vanshika Kaushik Video: बॉलिवूडमध्ये प्रसिद्ध अभिनेते आणि दिग्दर्शक  सतीश कौशिक (Satish Kaushik)  यांचे काही दिवसांपूर्वी निधन झाले. सतीश यांच्या निधनाने मनोरंजनसृष्टीवर शोककळा पसरली. आता सतीश यांची  मुलगी वंशिका कौशिक (Vanshika Kaushik) हिने सोशल मीडियावर एक व्हिडीओ शेअर केला आहे. या व्हिडीओमध्ये ती अभिनेते अनुपम खेर (Anupam Kher) यांच्यासोबत डान्स करताना दिसत आहे.

वंशिका कौशिकनं शेअर केलेल्या व्हिडीओमध्ये ती अनुपम खेर यांच्यासोबत डान्स करताना दिसत आहे. या व्हिडीओला तिनं कॅप्शन दिलं,  'अनुपम अंकलसोबत माझी पहिली रील, त्यांना खरंच अजून थोडी रिहर्सल करायची आहे. त्यांच्या तुलनेत बाबा हे चांगले डान्सर होते, पण प्रयत्न केल्याबद्दल अनुपम अंकल धन्यवाद, लव्ह यू'

वंशिका कौशिकनं शेअर केलेल्या या व्हिडीओला अनेक नेटकऱ्यांनी तसेच सेलिब्रिटींनी कमेंट्स केल्या आहेत. हृतिक रोशन, गुरु रंधावा यांनी वंशिका कौशिक आणि अनुपम खेर  यांच्या या व्हिडीओला कमेंट्स केल्या आहेत. 

पाहा व्हिडीओ: 

 

 

 

 

 

View this post on Instagram

 

 

 

 

 

 

 

 

 

 

 

A post shared by vanshika kaushik (@vanshika_kaesthetics)

सतीश कौशिक यांचे चित्रपट

सतीश कौशिक हे अभिनेता, कॉमेडियन, स्क्रिप्ट रायटर, दिग्दर्शक आणि निर्माता होते. त्यांनी अनेक हिट चित्रपटांमध्ये काम केलं. 1987 मध्ये रिलीज झालेल्या मिस्टर इंडिया चित्रपटामुळे त्यांनी विशेष ओळख मिळाली. या चित्रपटात त्यांनी कॅलेंडर ही भूमिका साकारली. तसेच दीवाना मस्ताना, राम लखन आणि साजन चले ससुराल या चित्रपटातील त्यांच्या अभिनयाचं अनेकांनी कौतुक केलं. 

1985 मध्ये सतीश कौशिक यांनी शशी कौशिक यांच्यासोबत लग्नगाठ बांधली. 2012 मध्ये सतीश आणि शशी हे सरोगसीच्या माध्यमातून आई-बाबा झाले. त्यांनी आपल्या मुलीचं नाव वंशिका असं ठेवलं. सतीश कौशिक यांच्या निधनानंतर वंशिकाने वडिलांसोबतचा एक फोटो शेअर केला होता. त्या फोटोमध्ये वंशिका आणि सतीश यांच्या दोघांच्या चेहऱ्यावर स्माईल दिसत होते.

सतीश कौशिक यांचे 9 मार्च 2023 रोजी  निधन झाले. वयाच्या 66 व्या वर्षी त्यांनी अखेरचा श्वास घेतला. सतीश कौशिक यांच्या निधनानं बॉलिवूडवर शोककळा पसरली आहे. अनुपम खेर, अभिनेत्री  कंगना रनौत यांनी देखील सोशल मीडियाच्या माध्यमातून  सतीश कौशिक यांना श्रद्धांजली वाहिली होती. 

वाचा इतर महत्वाच्या बातम्या: