Animal Movie: अजय- अतुलच्या गाण्याचा तडका अन् 'या' मराठमोळ्या अभिनेत्याची जबरदस्त अॅक्टिंग; 'अॅनिमल'मधील 'या' गोष्टी तुमची मनं जिंकतील
Animal: सध्या अॅनिमल या चित्रपटामधील फायटिंग सीनची चर्चा सोशल मीडियावर होत आहे. या सीनमध्ये अजय-अतुलच्या एका मराठमोळ्या गाण्याचा वापर करण्यात आला आहे.
Animal: अभिनेता रणबीर कपूरचा (Ranbir Kapoor) 'अॅनिमल' (Animal) हा चित्रपट काल प्रदर्शित झाला आहे. अनेकांनी हा चित्रपट फर्स्ट डे फर्स्ट शो पाहिला. अनेकांनी सोशल मीडियावर पोस्ट शेअर करुन या चित्रपटाचं कौतुक केलं आहे. अॅनिमल या चित्रपटामधील रणबीरच्या अभिनयाचं देखील अनेकांनी कौतुक केलं आहे. सध्या अॅनिमल या चित्रपटामधील फायटिंग सीनची चर्चा सोशल मीडियावर होत आहे. या सीनमध्ये अजय-अतुलच्या एका मराठमोळ्या गाण्याचा वापर करण्यात आला आहे.
अजय-अतुलच्या "डॉल्बी वाल्या" गाण्याचा तडका
अॅनिमल या चित्रपटाच्या एका फायटिंग सीनच्या बॅकग्राऊंडला अजय-अतुलचं "डॉल्बी वाल्या" हे गाणं ऐकू येतं. या सीनमध्ये असं दाखवण्यात आलं आहे की, रणबीरनं कानात हेडफोन घातले आहेत. या हेडफोनमध्ये "डॉल्बी वाल्या" हे गाणं लावलं आहे, अशातच रणबीर हा हे गाणं ऐकत फायटिंग करताना दिसत आहे.
'या' मराठमोळ्या अभिनेत्याचा जबरदस्त अभिनय
अॅनिमल या चित्रपटात उपेंद्र लिमये या मराठमोळ्या अभिनेत्यांनी एक महत्वाची भूमिका साकारली आहे. या चित्रपटात उपेंद्र हे रणबीरला एक मशीन गन दाखवतात. जी मशीन गन महाराष्ट्रामध्ये असेंबल करण्यात आलेली असते.
'अॅनिमल'चा बॉक्स ऑफिसवर धुमाकूळ
अॅनिमल हा चित्रपट सध्या बॉक्स ऑफिसवर धुमाकूळ घालत आहे. या चित्रपटानं ओपनिंग-डेलाच कोट्यवधींची कमाई केलेली आहे. Sacknilk च्या अर्ली ट्रेंड रिपोर्टनुसार, 'Animal' चित्रपटानं रिलीजच्या पहिल्या दिवशी 61 कोटींची कमाई केली आहे. आता वीकेंडला हा चित्रपट किती कमाई करणार? याकडे अनेकांचे लक्ष लागले आहे.
अॅनिमल या चित्रपटाचं दिग्दर्शन संदीप रेड्डी वंगा यांनी केलं आहे. अॅनिमल या चित्रपटात रणबीर कपूर, रश्मिका मंदाना, अनिल कपूर, बॉबी देओल या कलाकारांनी देखील महत्वाच्या भूमिका साकारल्या आहेत.
रश्मिकानं प्रेक्षकांचे मानले आभार
रश्मिकानं नुकतीच सोशल मीडियावर एक खास पोस्ट शेअर करुन चित्रपटाला चांगला प्रतिसाद दिल्याबद्दल प्रेक्षकांचे आभार मानले आहेत. तिनं पोस्टमध्ये लिहिलं, "तुम्ही आमच्या अॅनिमल या चित्रपटावर दाखवत असलेल्या प्रेमाबद्दल तुम्हा सर्वांचे खूप खूप आभार.. मला आशा आहे की, आम्ही तुम्हा सर्वांना खूप आनंदी केले असेल. कृपया तुमच्या जवळच्या चित्रपटगृहात जाऊन चित्रपट पहा आणि आनंद घ्या!"
View this post on Instagram
संबंधित बातम्या:
महत्त्वाच्या बातम्या
