Amruta Khanvilkar: 'द केरळ स्टोरीला मराठी इंडस्ट्री प्रमोट का करत नाही?' नेटकऱ्याचा प्रश्न; अमृता उत्तर देत म्हणाली, 'कारण...'
अमृतानं (Amruta Khanvilkar) नुकतेच तिचे लंडनमधील काही खास फोटो शेअर केले. या फोटोला एका नेटकऱ्यानं केलेल्या कमेंटनं अनेकांचे लक्ष वेधले.
Amruta Khanvilkar: मराठी चित्रपटसृष्टीतील प्रसिद्ध अभिनेत्री अमृता खानविलकर (Amruta Khanvilkar) ही सोशल मीडियावर अॅक्टिव्ह असते. अमृता ही सोशल मीडियावर विविध पोस्ट शेअर करते. अमृतानं नुकतेच तिचे लंडनमधील काही खास फोटो शेअर केले. या फोटोला एका नेटकऱ्यानं केलेल्या कमेंटनं अनेकांचे लक्ष वेधले.
अमृतानं नुकताच एक फोटो सोशल मीडियावर शेअर केला आहे. फोटोमध्ये ती ब्लॅक अँड व्हाईट लूकमध्ये दिसत आहे. या फोटोला एका नेटकऱ्यानं कमेंट केली,मॅडम द केरळ स्टोरीला .. ‘मराठी इंडस्ट्री सपोर्ट का करत नाही? सर्व तरुण युवक या चित्रपटाला प्रमोट करतात. तर लोकांची आपेक्षा आहे की. आघाडीचा फॅन बेस असणाऱ्या कलकारांनी देखील या चित्रपटाला सपोर्ट केला पाहिजे.मला माहित आहे की हे तितके सोपे नाही.'
अमृताचा रिप्लाय
नेटकऱ्याच्या कमेंट्ला अमृतानं रिप्लाय दिला, 'कारण मी लंडनमध्ये आहे. अजून मी तो चित्रपट पाहिला नाही. महाराष्ट्र शाहीर हा चित्रपट मी पाहिला आहे आणि प्रमोट देखील केला आहे. तुम्ही पाहिला का?'
View this post on Instagram
अमृतानं महाराष्ट्र शाहीर हा चित्रपट पाहिल्यानंतर एक खास पोस्ट सोशल मीडियावर शेअर करुन या चित्रपटाचं कौतुक केलं होतं. तिनं पोस्टमध्ये लिहिलं होतं, महाराष्ट्र शाहीर हा चित्रपट अनुभवून बघा प्रेक्षक म्हणून हा चित्रपट बघताना डोळे भरून येतात ... अंगावर रोमांच उभे राहतात .... उर अभिमानाने भरून येतो
उत्तम दिग्दर्शन .... छायाचित्रण .... अभिनयाने .... ने नटलेला हा चित्रपट तुम्ही बघायलाच पाहिजे.'
View this post on Instagram
अमृताचे चित्रपट
अमृताच्या चंद्रमुखी या चित्रपटाला प्रेक्षकांची पसंती मिळाली. अमृताच्या आगामी चित्रपटांची प्रेक्षक उत्सुकतेने वाट बघत आहेत. लवकरच तिच्या ‘ऑटोग्राफ’ (Autograph) या चित्रपटाचा वर्ल्ड टेलिव्हिजन प्रीमियर होणार आहे.हा चित्रपट प्रेक्षकांना घरबसल्या पहायला मिळणार आहे.
महत्त्वाच्या इतर बातम्या :
महत्त्वाच्या बातम्या
ट्रेंडिंग न्यूज
