Amitabh Bachchan : 'बिग बीं'कडून शिंदे-फडणवीस सरकारचं कौतुक, देवेंद्र फडणवीसांनी फिल्मी स्टाईल मानले अमिताभ यांचे आभार
Amitabh Bachchan : अमिताभ बच्चन यांनी नुकतच मुंबई कोस्टल रोडवरुन प्रवास केला.त्यांनी त्यांच्या या प्रवासाचा अनुभव त्यांच्या ट्विटरवरुन शेअर केलाय.
Amitabh Bachchan : बहुप्रतिक्षित असलेल्या मुंबई कोस्टल रोडच्या (Mumbai Coastal Road) पहिल्या दहा किमी अंतराचं उद्घाटन करण्यात आलं आहे. पंतप्रधान नरेंद्र मोदी (PM Modi) यांच्या हस्ते हा लोकार्पण सोहळा पार पडला. यामुळे मुंबईला पश्चिम उपनगराला जोडणं शक्य झालं आहे. अनेकजण या कोस्टल रोडवरुन प्रवास करतानाचे फोटो आणि व्हिडिओ त्यांच्या सोशल मीडियावर शेअर करत असतात. त्यातच आता अमिताभ बच्चन (Amitabh Bachchan) यांनी देखील नुकतच कोस्टल रोडवरुन प्रवास करत त्यांचा अनुभव शेअर केला आहे. त्याचप्रमाणे त्यांनी शिंदे-फडणवीस यांच्या सरकारचं देखील कौतुक केलं आहे. तर त्यांच्या या ट्विटवर उपमुख्यमंत्री देवेंद्र फडणवीस (Devendra Fadanvis) यांनी अगदी फिल्मी स्टाईल रिप्लाय दिलाय.
मुंबई ते कांदिवली असा या कोस्टल रोडचा प्रकल्प आहे. दक्षिण कोस्टल रोड हा 10.58 किमी लांबीचा आहे. या प्रकल्पाचा एकूण खर्च हा 12,721 कोटी रुपये आहे. नुकतच लोकार्पण झालेल्या अटल सेतूवरही अनेक प्रतिक्रिया दिल्या आहेत. त्यानंतर आता कोस्टल रोडच्या कामाचं देखील कौतुक होत असल्याचं पाहायला मिळतंय.
अमिताभ बच्चन यांनी काय म्हटलं?
अमिताभ बच्चन यांनी ट्विट करत या कोस्टल रोडचं कौतुक केलं आहे. त्यांनी म्हटलं की, 'T 4999 - Oh ! Boy !! went to work .. after Sea Link on to Coastal Road and Tunnel underground .. JVPD, Juhu to Marine Drive , 30 mins .. !! वाह ! क्या बात है ! साफ़ सुथरी नयी बढ़िया सड़क, कोई रुकावट नहीं ' पण अमिताभ यांच्या ट्विटपेक्षा यावर देवेंद्र फडणवीस यांनी दिलेल्या उत्तराची सध्या जोरदार चर्चा सुरु आहे.
देवेंद्र फडणवीस यांनी काय म्हटलं?
उपमुख्यमंत्री देवेंद्र फडणवीस यांनी अगदी फिल्मीस्टाईलमध्ये अमिताभ यांचे आभार मानले आहेत. त्यांनी म्हटलं की, “Parampara, Pratishtha, Anushasan, Ye iss sarkar ke teen stambh hai !" e wo aadarsh hain jinse hum Bharatiyon ka kal banaate hai”..., अमिताभ जी तुम्ही तुमच्या प्रवासाचा अनुभव शेअर केलात, त्याबद्दल खूप आभार. मुंबई आता अपग्रेड होतेय आणि आम्ही मुंबईकरांसाठी वेळ वाचवणाऱ्या प्रवासाचा अनुभव निर्माण करण्यासाठी सातत्याने प्रयत्न करत आहोत.
“Parampara, Pratishtha, Anushasan, Ye iss sarkar ke teen stambh hai !" 😊
— Devendra Fadnavis (Modi Ka Parivar) (@Dev_Fadnavis) May 2, 2024
Ye wo aadarsh hain jinse hum Bharatiyon ka kal banaate hai”...
Thank You Amitabh Bachchan Ji for sharing your travel story...
Mumbai is upgrading, we are constantly working on creating a time-saving travel… https://t.co/ZuU81f7GtV
ही बातमी वाचा :
महत्त्वाच्या बातम्या
ट्रेंडिंग न्यूज
