Amitabh Bachchan Health: अमिताभ बच्चन यांची तब्येत बिघडली, लवकरच होणार सर्जरी

बॉलिवूडचा महानायक अमिताभ बच्चन (Amitabh Bachchan) यांनी ब्लॉगमध्ये लिहलंय की त्याची तब्येत ठिक नाही, त्याला लवकरच सर्जरीला सामोरं जावं लागणार आहे. आता यापूढे आपण लिहू शकणार नाही असंही त्यांने सांगितलंय.

मुंबई: बॉलिवूडचे महानायक अमिताभ बच्चन सोशल मीडियावर खूपच अॅक्टिव्ह असतात आणि त्या माध्यमातून आपल्या रोजच्या आयुष्याबद्दल माहिती देतात. आपल्या रोजच्या भावना अमिताभ आपल्या फॅन्सशी शेअर करतात. आताही त्यांनी आपल्या ब्लॉगच्या माध्यमातून अशी एक माहिती दिलीय की त्यामुळे  चाहत्यांच्या काळजीत भर पडलीय.

अमिताभ बच्चन यांनी आपल्या ब्लॉगमध्ये केवळ एकच ओळ लिहलीय, त्यामुळे सर्वांनाच धक्का बसलाय. त्यांनी लिहलंय की, "मेडिकल कन्डिशन.... सर्जरी... मी लिहू शकत नाही. एबी." अमिताभने हा ब्लॉग 27 तारखेला लिहलाय. बीग बींचा हा ब्लॉग वाचल्यानंतर त्यांच्या चाहत्यांच्या चिंतेत भर पडली आहे.

अमिताभ यांना नेमका कसला त्रास आहे आणि त्याला कोणत्या सर्जरीला सामोरं जावं लागतंय याची कोणतीही माहिती नाही. सध्या त्यांच्या अनेक चित्रपटांचे शुटिंग सुरु आहे. कोण बनेगा करोडपती 12 हा कार्यक्रम बंद झाल्यानंतर अमिताभ ब्रह्मस्त्र आणि चेहरे या चित्रपटांच्या शुटिंगमध्ये व्यस्त होते. याचदरम्यान ही बातमी आल्याने सर्वजण काळजीत आहेत.

अमिताभ आणि त्यांचा सर्व परिवार कोरोना बाधित झाला होता. त्यातून बाहेर येण्यासाठी त्याला महिन्याचा कालावधी लावला. अमिताभ बच्चन यांच्यानंतर अभिषेक बच्चनला कोरोनाची लागण झाली होती. त्यानंतर ऐश्वर्या आणि आराध्यालाही कोरोनाची लागण झाली. या सर्वातून बच्चन परिवार बरा झाला. आता त्याने आपली तब्येत बिघडल्याचं सांगितलंय आणि लवकरच सर्जरी होणार असल्याचं सांगितलंय. त्यामुळे अमिताभ यांच्या तब्येतीविषयी चिंता व्यक्त केली जात आहे.