Allu Ramesh Passed Away: अभिनेते अल्लू रमेश यांचे हृदयविकाराच्या झटक्याने निधन; वयाच्या 52 व्या वर्षी घेतला अखेरचा श्वास

अल्लू रमेश (Allu Ramesh) यांच्या निधनानं तेलुगू चित्रपटसृष्टीत शोककळा पसरली आहे.

Allu Ramesh

Allu Ramesh Passed Away: तेलुगू चित्रपटसृष्टीतील प्रसिद्ध अभिनेता अल्लू रमेश (Allu Ramesh) यांचे  हृदयविकाराच्या झटक्याने निधन झाले. वयाच्या 52 वर्षी त्यांनी अखेरचा श्वास घेतला.अल्लू रमेश यांच्या निधनानं तेलुगू चित्रपटसृष्टीत शोककळा पसरली आहे. अल्लू रमेशच्या निधनानंतर सर्व सेलिब्रिटी आणि त्यांच्या चाहत्यांनी सोशल मीडियावर शोक व्यक्त केला आहे. तेलुगू चित्रपट निर्माते आनंद रवी (Anand Ravi) यांनी सोशल मीडियावर पोस्ट शेअर करुन शोक व्यक्त केला.

आनंद रवी (Anand Ravi) यांनी शेअर केली पोस्ट

आनंद रवी  यांनी सोशल मीडियावर अभिनेते अल्लू रमेश (Allu Ramesh) यांच्यासोबतचा एक फोटो शेअर केला आहे. हा फोटो शेअर करुन त्यांनी लिहिलं, 'तुम्ही माझा सर्वात मोठा आधार होता. रमेश गुरु, तुम्ही आम्हाला सोडून गेला आहात, यावर अजूनही विश्वास बसत नाही. अजूनही माझ्या हृदयात आणि मनात तुमचा आवाज ऐकू शकतो. मिस यू ओम शांती.' 

अभिनेत्री रेखा बोजने (Rekha Boj) शेअर केली पोस्ट

दामिनी विला' (2019), 'रंगीला' (2017) आणि 'कालाय तस्मै नमाहा' (2016) यांसारख्या चित्रपटांमधून लोकप्रिय झालेल्या रेखा बोजने अल्लू रमेश यांना सोशल मीडियाद्वारे श्रद्धांजली वाहिली. तिनं पोस्टमध्ये लिहिलं, 'चित्रपटसृष्टीनं एक चांगला कलाकार गमावला आहे.'रेखा बोजने शेअर केलेल्या पोस्टला कमेंट करुन अनेक कलाकारांनी अल्लू रमेश यांना श्रद्धांजली वाहिली आहे.

अल्लू रमेश यांचे चित्रपट

अल्लू रमेश  (Allu Ramesh)  यांनी तेलुगू चित्रपटसृष्टीत आपल्या करिअरची सुरुवात थिएटर क्षेत्रातून केली. अल्लू रमेश यांनी आपल्या विनोदी भूमिकांनी प्रेक्षकांची मनं जिंकली होती.त्यांनी 2001 मध्ये प्रदर्शित झालेल्या 'चिरुजल्लू' चित्रपटातून आपल्या अभिनय कारकिर्दीला सुरुवात केली. त्यानंतर त्यांनी  'टोलू बोम्मलता', 'मथुरा वाइन', 'वेधी', 'ब्लेड' 'बाबजी आणि नेपोलियन' यांसारख्या अनेक चित्रपटांमध्ये काम केले.  

'माँ विडकुलू' या मालिकेतील त्यांनी साकारलेल्या भूमिकेचं अनेकांनी कौतुक केलं. अल्लू रमेश यांनी आपल्या दमदार अभिनयानं   आणि कॉमिक टायमिंगनं प्रेक्षकांची मनं जिंकली होती.'नेपोलियन' आणि 'थोलुबुम्मलता' यांसारख्या  चित्रपटांमध्ये देखील त्यांनी काम केलं. अल्लू रमेश यांनी  जवळपास 50 फिचर फिल्म्समध्ये काम केलं. पत्नी आणि दोन मुलं असं अल्लू रमेश यांचे कुटुंब आहे. 'अनएक्सपेक्टेड जर्नी'  हा त्यांचा शेवटचा चित्रपट ठरला. 

महत्त्वाच्या इतर बातम्या :