Alia Bhatt : आलिया भट्टने पापराझीची रस्त्यावर पडलेली चप्पल उचलली; अभिनेत्रीच्या कृतीने जिंकली प्रेक्षकांची मनं
Alia Bhatt Video : पापराझीची रस्त्यावर पडलेली चप्पल उचलतानाचा आलिया भट्टचा एक व्हिडीओ सोशल मीडियावर व्हायरल होत आहे.
Alia Bhatt : बॉलिवूड अभिनेत्री आलिया भट्ट (Alia Bhatt) सध्या तिच्या आगामी 'रॉकी और रानी की प्रेम कहानी' (Rocky Aur Rani Ki Prem Kahani) या सिनेमामुळे चर्चेत आहे. दरम्यान पापराझीची रस्त्यावर पडलेली चप्पल उचलतानाचा आलियाचा फोटो आणि व्हिडीओ सोशल मीडियावर व्हायरल होत आहेत. आपल्या अभिनयाच्या माध्यमातून प्रेक्षकांच्या मनावर अधिराज्य गाजवणाऱ्या अभिनेत्रीच्या फक्त एका कृतीने चाहत्यांसह नेटकऱ्यांची मनं जिंकली आहेत.
आलिया भट्ट तिची आई सोनी राजदान आणि शाहीन भट्टसोबत बाहेर फिरायला जात होती. त्यावेळी आलियाला स्पॉट करण्यासाठी पापाराझी तिच्या घराबाहेर पोहोचले. दरम्यान एका फोटोग्राफरची चप्पल रस्त्यावर पडलेली आलियाला दिसली आणि लगेचच तिने ती चप्पल हातात उचलून पापराझीच्या पायापर्यंत आणून दिली. आलियाचा हा व्हिडीओ सोशल मीडियावर चांगलाच व्हायरल होत असून नेटकऱ्यांच्या पसंतीस उतरला आहे.
View this post on Instagram
'ही' चप्पल कोणाची आहे? आलिया भट्ट
विरल भयानीने आलियाचा व्हिडीओ सोशल मीडियावर शेअर केला आहे. ही चप्पल कोणाची आहे? असं कॅप्शन त्यांनी या व्हिडीओला दिलं आहे. या व्हिडीओवर नेटकऱ्यांनी कमेंट्सचा वर्षाव केला आहे. आता या चप्पलेची पापराझी फ्रेम बनवणार, आलिया उत्कृष्ट अभिनेत्री असण्यासोबत एक चांगली व्यक्तीदेखील आहे, म्हणूनच आलिया मला आवडते, पब्लिसिटी स्टंट अशा कमेंट्स नेटकऱ्यांनी केल्या आहेत.
आलियाच्या आगामी सिनेमांबद्दल जाणून घ्या... (Alia Bhatt Upcoming Movies)
आलिया भट्ट सध्या तिच्या आगामी 'रॉकी और रानी की प्रेम कहानी' (Rocky Aur Rani Ki Prem Kahani) या सिनेमामुळे चर्चेत आहे. या सिनेमाच्या प्रमोशनमध्ये सध्या ती व्यस्त आहे. करण जोहर दिग्दर्शित या सिनेमात आलियासह रणवीर सिंह मुख्य भूमिकेत आहे. रणवीर-आलियासह या सिनेमात शबाना आझमी, धर्मेंद्र आणि जया बच्चन महत्त्वाच्या भूमिकेत आहे. 'रॉकी और रानी की प्रेम कहानी' या सिनेमातील 'झुमका' आणि 'तुम क्या मिले' ही गाणी प्रेक्षकांच्या पसंतीस उतरली आहेत. रॉकी और रानी की प्रेम कहानी' हा सिनेमा 28 जुलै 2023 रोजी प्रेक्षकांच्या भेटीला येणार आहे.
संबंधित बातम्या
Alia Bhatt : आलिया भट्टने तीन महिन्यात 16 किलो वजन कसं कमी केलं? जाणून घ्या अभिनेत्रीचा डाएट प्लॅन...
महत्त्वाच्या बातम्या
