Akanksha Dubey : भोजपुरी अभिनेत्री आकांक्षा दुबेचा संशयास्पद मृत्यू; बलात्कार झाल्याचा आईचा आरोप

Akanksha Dubey : अभिनेत्री आकांक्षा दुबेने आत्महत्या करण्यापूर्वी तिच्यासोबत बलात्कार झाल्याचा संशय याचिकेत दाखल करण्यात आला आहे.

Akanksha Dubey

Akanksha Dubey : भोजपुरी अभिनेत्री आकांक्षा दुबेने (Akanksha Dubey) 26 मार्च 2023 रोजी आत्महत्या करत आपलं आयुष्य संपवलं. तिच्या आत्महत्येनंतर पंजाबी गायक समर सिंहला (Samar Singh) पोलिसांनी ताब्यात घेतलं. आकांक्षाच्या आईने समरवर गंभीर आरोप केले होते. आता या संशयास्पद मृत्यूप्रकरणी नवी माहिती समोर आली आहे. आकांक्षाने आत्महत्या करण्यापूर्वी तिच्यासोबत बलात्कार झाल्याचा संशय याचिकेत दाखल करण्यात आला आहे. 

नेमकं प्रकरण काय? 

अभिनेत्री आकांक्षा दुबेचा संशायास्पद मृत्यू झाला आहे. सीबीआय तपासाची मागणी करणाऱ्या अलाहाबाद उच्च न्यायालयात दाखल केलेल्या याचिकेवर आज सुनावणी झाली. अभिनेत्रीने आत्महत्या करण्यापूर्वी तिच्यावर बलात्कार झाल्याचा संशय याचिकेत व्यक्त करण्यात आला आहे. आकांक्षाची आई मधू दुबे यांनी ही याचिका दाखल केली आहे.

आकांक्षा दुबे शूटिंगसाठी वाराणसीला गेली होती. त्यावेळी वाराणसीतील एका हॉटेलमध्ये तिने गळफास घेत आपलं आयुष्य संपवलं. त्यानंतर समर सिंहने आकांक्षाला ब्लॅकमेल करुन आत्महत्येस प्रवृत्त केल्याचा आरोप तिच्या आईने केला. त्यानंतर पोलीस या प्रकरणाचा तपास घेत होते. 

याचिकेत काय आहे? 

आकांक्षा दुबेच्या आईने दाखल केलेल्या याचिकेनुसार, आकांक्षाचा मृत्यू संशयास्पद आहे. तिचा पोस्टमॉर्टम रिपोर्टही हे निर्देश करतो. काही महत्त्वाचे पुरावे दडपण्याचा आणि आरोपींना संरक्षण देण्याचाही प्रयत्न केला जात असल्याचा आरोप याचिकेत करण्यात आला आहे. आकांक्षा दुबेच्या संशयास्पद मृत्यूनंतर तिची आई मधु दुबे यांनी तक्रार दाखल केली होती. समर सिंह आणि संजय सिंह यांच्याविरोधात तक्रार दाखल केली होती.

आकांक्षा आणि समर सिंह लिव्ह इन रिलेशनशिपमध्ये राहत होते. आकांक्षा-समर यांची भेट 3 वर्षांपूर्वी झाली होती, असंही म्हटलं जात आहे. टिकटॉक आणि इनस्टाग्रामच्या माध्यमातून आकांक्षाला चांगलीच लोकप्रियता मिळाली. टिकटॉकवर तिचे व्हिडीओ पोस्ट केल्या केल्या काही मिनिटांत व्हायरल व्हायचे. इन्स्टाग्रामवरदेखील तिचे 1.7 मिलियन फॉलोअर्स आहेत. आकांक्षाने वयाच्या 17 व्या वर्षी तिने मनोरंजनसृष्टीत पदार्पण केलं. वीरों के वीर' आणि 'कसम पैदा करने वाले की 2' सारख्या सिनेमांतदेखील ती झळकली आहे. 

आकांक्षा दुबे कोण आहे? (Who Is Akanksha Dubey)

टिकटॉक आणि इनस्टाग्रामच्या माध्यमातून आकांक्षाला चांगलीच लोकप्रियता मिळाली. टिकटॉकवर तिचे व्हिडीओ पोस्ट केल्या केल्या काही मिनिटांत व्हायरल व्हायचे. इन्स्टाग्रामवरदेखील तिचे 1.7 मिलियन फॉलोअर्स आहेत. आकांक्षाने वयाच्या 17 व्या वर्षी तिने मनोरंजनसृष्टीत पदार्पण केलं. वीरों के वीर' आणि 'कसम पैदा करने वाले की 2' सारख्या सिनेमांतदेखील ती झळकली आहे. 

संबंधित बातम्या