नरेंद्र मोदींनंतर आता राहुल गांधींवरील बायोपिक लवकरच प्रदर्शित होणार

'माय नेम इज रागा' असं या सिनेमाचं नाव असून लोकसभा निवडणुकीदरम्यान या सिनेमाच्या प्रदर्शनाला विरोध करण्यात आला होता.

WAYANAD, INDIA - APRIL 04: Congress party supportes wear mask of Rahul Gandhi during the road show after Rahul Gandhi files nominations from Wayanad district on April 4, 2019 in Kalpetta town in Wayanand, India. Rahul Gandhi, the scion of India's unofficial first family, took position as president of India National Congress while challenging Prime Minister Narendra Modi and his Bharatiya Janata Party (BJP) during the country's general election after suffering his worst ever defeat in 2014. The 48-year-old reluctant political leader is the son of former Prime Minister Rajiv Gandhi and grandson of India's only female Prime Minister Indira Gandhi, who were both assassinated, but hopes to claim the prime ministership while facing constant criticism as leader of the Congress. Around 900 million people will be casting their ballots during India's general election, which is scheduled from 11 April to 19 May and considered the world's biggest democratic exercise. (Photo by Atul Loke/ Getty Images)

मुंबई : 'पीएम नरेंद्र मोदी' हा सिनेमा प्रदर्शित झाल्यानंतर आता काँग्रेस अध्यक्ष राहुल गांधींच्या जीवनावरील सिनेमादेखील प्रदर्शनाच्या वाटेवर आहे. 'माय नेम इज रागा' असं या सिनेमाचं नाव असून लोकसभा निवडणुकीदरम्यान या सिनेमाच्या प्रदर्शनाला विरोध करण्यात आला होता.  या सिनेमाचा टिजर याआधीच प्रदर्शित झाला आहे. लोकसभा निवडणुकीमुळे प्रदर्शन लांबवलेला पंतप्रधान नरेंद्र मोदी यांच्या जीवनावरील 'पीएम नरेंद्र मोदी' हा सिनेमा 24 मे रोजी प्रदर्शित झाला आहे.  त्यानंतर लगेचच आता राहुल गांधींच्या जीवनावरील बायोपिक देखील लवकरच प्रदर्शित होणार आहे. या सिनेमाचे दिग्दर्शक रुपेश पॉल यांनी याबाबत माहिती दिली आहे. लोकसभा निवडणुकीपूर्वी हा सिनेमा प्रदर्शित करण्याची दिग्दर्शकाची इच्छा होती. मात्र निवडणूक आयोगाने तशी परवानगी दिलेली नव्हती. निवडणूक आयोगाने 'पीएम नरेंद्र मोदी' या सिनेमासह 'माय नेम इज रागा'चंही प्रदर्शन लोकसभा निवडणूक काळात थांबवलं होतं. परंतू निवडणूक आयोगापेक्षा राहुल गांधींच्या समर्थकांचा या सिनेमाला जास्त विरोध होता असं दिग्दर्शकाचं म्हणणं आहे. 'राहुल गांधींच्या समर्थकांनी मोदींच्या भितीमुळे या सिनेमाच्या प्रदर्शनाला विरोध केला होता. मात्र आता ती भिती संपली आहे', असं त्यांनी म्हटलं आहे.