Parineeti Chopra and Raghav Chadha : परिणीती चोप्रा आणि राघव चढ्ढा करणार लग्न? 'आप' च्या खासदारानं ट्वीट शेअर करुन दिल्या शुभेच्छा
आम आदमी पार्टीचे (Aam Aadmi Party) खासदार संजीव अरोरा (Sanjeev Arora) यांनी एक ट्वीट शेअर करुन परिणीती आणि राघव यांना शुभेच्छा दिल्या आहेत. त्यांच्या या ट्वीटनं अनेकांचे लक्ष वेधले आहे.
Parineeti Chopra and Raghav Chadha : बॉलिवूडमधील प्रसिद्ध अभिनेत्री परिणीती चोप्रा (Parineeti Chopra) आणि आम आदमी पार्टीचे खासदार राघव चढ्ढा (Raghav Chadha) हे दोघे एकमेकांना डेट करत आहेत, अशी चर्चा सध्या सोशल मीडियावर सुरु आहे. काही दिवसांपूर्वी दोघे डिनरला एकत्र गेले. त्यावेळी फोटोग्राफर्सनं त्यांचे फोटो काढले. हे फोटो सोशल मीडियावर व्हायरल झाले. त्यानंतर परिणीती आणि राघव चढ्ढा यांच्या नात्याबद्दल सोशल मीडियावर चर्चा सुरु झाली. आता आम आदमी पार्टीचे (Aam Aadmi Party) खासदार संजीव अरोरा (Sanjeev Arora) यांनी एक ट्वीट शेअर करुन परिणीती आणि राघव यांना शुभेच्छा दिल्या आहेत. त्यांच्या या ट्वीटमुळे परिणीती आणि राघव हे लवकरच लग्नबंधनात अडकणार आहेत का? असा प्रश्न नेटकऱ्यांना पडला आहे.
संजीव अरोरा यांचे ट्वीट
संजीव अरोरा यांनी ट्वीटमध्ये लिहिलं, 'मी परिणीती चोप्रा आणि राघव चढ्ढा यांचे मनापासून अभिनंदन करतो. तुम्ही आनंदी राहा. तुम्हाला शुभेच्छा.' या ट्वीटमध्ये संजीव अरोरा यांनी परिणीती आणि राघव यांचा फोटो देखील शेअर केला आहे. संजीव अरोरा यांच्या या ट्वीटनं अनेकांचे लक्ष वेधले.
I extend my heartfelt congratulations to @raghav_chadha and @ParineetiChopra. May their union be blessed with an abundance of love, joy, and companionship. My best wishes!!! pic.twitter.com/3fSWVT4evR
— Sanjeev Arora (@MP_SanjeevArora) March 28, 2023
डेटिंगच्या चर्चेवर राघव चढ्ढा यांनी सोडले मौन
परिणीती चोप्रा आणि राघव चढ्ढा यांच्या डेटिंगच्या चर्चेबाबत प्रश्न विचारण्यात आल्यानंतर आपचे नेते राघव चढ्ढा यांनी एबीपी न्युजला सांगितलं, 'मला राजकारणाबाबत विचारा, परिणीतीबाबत नाही.' पुढे राघव यांना प्रश्न विचारण्यात आला की, जे लोक तुमच्या रिलेशनशिपबाबत विचारत आहेत, त्यांना काय सांगाल?' यावर ते म्हणाले, 'त्यांनाही लवकरच उत्तर मिळेल.'
जानेवारीमध्ये परिणीती चोप्रा आणि राघव चढ्ढा यांना 'इंडिया यूके आउटस्टँडिंग अचिव्हर ऑनर्स' पुरस्काराने सन्मानित करण्यात आले. ब्रिटीश विद्यापीठांमध्ये शिकणाऱ्या भारतीय विद्यार्थ्यांसाठी या पुरस्कार सोहळ्याचे आयोजन करण्यात आले होते. परिणीती चोप्राने यूकेच्या मँचेस्टर स्कूलमध्ये शिक्षण घेतले आहे. तर राघव चढ्ढा यांनी लंडन स्कूल ऑफ इकॉनॉमिक्समधून शिक्षण घेतले आहे.
महत्त्वाच्या इतर बातम्या :
महत्त्वाच्या बातम्या
ट्रेंडिंग न्यूज
