एक्स्प्लोर

Emmy Awards 2022 : 74 व्या एमी पुरस्काराचे नामांकन जाहीर; 12 सप्टेंबरला पार पडणार पुरस्कार सोहळा

Emmy Awards : 74 व्या एमी पुरस्कार सोहळ्याचे नामांकन जाहीर झाले आहेत.

By : एबीपी माझा वेब टीम | Edited By: मंजिरी पोखरकर | Updated at : 13 Jul 2022 04:18 PM (IST)

Emmy Awards 2022

Emmy Awards 2022 Nominations List : 74 व्या एमी पुरस्कार सोहळ्याचे (Emmy Awards 2022) नामांकन आज (मंगळवारी) जाहीर झाले आहेत. यात 'सक्सेशन' या वेबसीरिजला 25 नामांकन मिळाले आहेत. तर स्क्विड गेम: द चॅलेंज' (Squid Game: The Challenge) या वेबसीरिजच्या चाहत्यांसाठीदेखील एक आनंदाची बातमी आहे. या वेबसीरिजला सर्वोत्कृष्ट नाट्य या विभागासह आणखी 13 नामांकन जाहीर झाले आहेत.

74 वा एमी पुरस्कार सोहळा 12 सप्टेंबरला लॉस एंजिलिसमध्ये पार पडणार आहे. या पुरस्कार सोहळ्याकडे प्रेक्षकांचे लक्ष लागले आहे.
'सक्सेशन' या वेबसीरिजला प्रेक्षक पसंती दर्शवत आहेत. तर सेवरेंस, स्ट्रेंजर थिंग्स, बॅरी यूफोरियो, टेड लासोसारख्या अनेक लोकप्रिय वेबसीरिजचादेखील या यादीत समावेश आहे.

एमी पुरस्कार सोहळ्यात स्क्विड गेमचा दबदबा

'स्क्विड गेम: द चॅलेंज' ही वेबसीरिज प्रेक्षकांच्या पसंतीस उतरली आहे. प्रेक्षकांमध्ये या वेबसीरिजची चांगलीच क्रेझ पाहायला मिळाली. ही कोरिअन वेबसीरिज आता एमी पुरस्कारांच्या यादीत सामिल झाली आहे. नेटफ्लिक्सवरील ही सर्वाधिक लोकप्रिय वेबसीरिज ठरली आहे. नऊ भागांची ही वेबसीरिज 12 सप्टेंबर 2021 रोजी प्रेक्षकांच्या भेटीला आली होती. रिलीजच्या चार आठवड्यातच ा वेबसीरिजला कोट्यवधी व्ह्यूज मिळाले आहे.