Bigg Boss Marathi season 5 update : मोठी बातमी : आता अवघ्या काही तासांची प्रतीक्षा, 'येतोय सर्व रिऍलिटी शोचा बाप'; आपला 'मराठी बिग बॉस' लवकरच सुरु होणार
Bigg Boss Marathi season 5 update : मराठी बिग बॉसच्या पाचव्या सिजनबाबत मोठी अपडेट समोर आली असून या शोची पहिली झलक लवकरच प्रेक्षकांना पाहता येणार आहे.
Bigg Boss Marathi season 5 update : मराठीतील एका रिऍलिटी शोची प्रेक्षक गेल्या काही दिवसांपासून बऱ्याच प्रतिक्षेत होते. अखेर प्रेक्षकांची ती प्रतीक्षा संपली असून बिग बॉस मराठीचा (Bigg Boss Marathi) पाचवा सिजन लवकरच प्रेक्षकांच्या भेटीला येणार आहे. कलर्स मराठीकडून याबाबत मोठी अपडेट समोर आली आहे. या शोची पहिली झलक ही उद्या म्हणजेच 21 मे रोजी दाखवण्यात येणार आहे. त्यामुळे हा शो कधीपासून प्रदर्शित होईल याची उत्सुकता आता अवघ्या काही तासांत संपणार आहे.
कलर्स मराठीकडून त्यांच्या सोशल मीडियावर ही पोस्ट करण्यात आली आहे. त्यामध्ये म्हटलंय की, 'सर्व reality shows चा बाप,पुन्हा येतोय सर्वांना वेड लावायला !!! पहिली झलक पहा उद्या 21 मे, सकाळी 10 वाजता, इथे आणि कलर्स मराठी चॅनेल वर.' त्यामुळे प्रेक्षकांची उत्सुकता अखेर संपणार असून यामध्ये आता कोणत्या नव्या कलाकरांची वर्णी लागणार हे देखील पाहणं उत्सुकतेचं ठरेल.
View this post on Instagram
चॅनलकडून कलाकारांशी चर्चा
दरम्यान बिग बॉसच्या पुढच्या सीझनसाठी चॅनलकडून काही कलाकारांशी बोलणं झालं आहे. तसेच काही कलाकारांशी चर्चा सुरु आहे. त्यामुळे आता बिग बॉसच्या पाचव्या सीझनमध्ये कोणाकोणाची वर्णी लागणार याची उत्सुकता सर्वांना लागून राहिली आहे. बिग बॉस मराठीच्या पहिल्या सीझनच्या विजेतेपदावर मेघा धाडे हिने नाव नोंदवलं होतं. त्यानंतर दुसऱ्या सीझनचा विजेता हा शिव ठाकरे होता. तिसऱ्या सीझनचा विजेता हा विशाल निकम झाला होता. त्याचप्रमाणे चौथ्या सीझनच्या विजेतेपदावर अक्षय केळकरने नाव नोंदवलं होतं. त्यामुळे बिग बॉसच्या पाचव्या सीझनचा विजेता कोण असणार हे काहीच महिन्यांत समोर येईल.
ही बातमी वाचा :
महत्त्वाच्या बातम्या
ट्रेंडिंग न्यूज
