Bigg Boss Marathi Season 5 : 'बिग बॉस 5' मधून बाहेर पडण्याचा निर्णय का घेतला? अखेर महेश मांजरेकरांनी केला खुलासा, म्हणाले, 'सध्या मनात काही..'
Bigg Boss Marathi Season 5 : मराठी बिग बॉस 5 सीझनचं यंदा होस्टिंग रितेश देशमुख करणार आहे. पण महेश मांजरेकरांनी या कार्यक्रमातून एक्झिट का घेतली याविषयी त्यांनीच खुलासा केला आहे.
Bigg Boss Marathi Season 5 : मराठी बिग बॉस 5 (Bigg Boss Marathi Season 5) ची घोषणा झाली आणि सगळ्यांची उत्सुकचा शिगेला पोहचली. या सीझनच्या पहिल्याच प्रोमोमध्ये प्रेक्षकांना एक मोठं सरप्राईज मिळालं आहे. कारण यंदाच्या या सीझनमध्ये होस्टच्या खुर्चीवर रितेश देशमुख (Riteish Deshmukh) बसणार आहे. त्यामुळे महेश मांजरेकरांची (Mahesh Manjrekar) या कार्यक्रमातून एक्झिट झाल्याने चाहत्यांना मोठा धक्का बसला. त्यानंतर मांजरेकरांनी या कार्यक्रमातून एक्झिट का घेतली हा एकच प्रश्न साऱ्यांना पडला होता. पण आता स्वत: महेश मांजरेकरांनी याबाबत खुलासा केला आहे.
नुकत्याच दिलेल्या एका मुलाखतीमध्ये सध्या इतर प्रोजेक्ट्समध्ये व्यस्त असल्याने त्यांनी या कार्यक्रमातून बाहेर पडण्याचा निर्णय घेतला असल्याचं त्यांनी सांगितलं आहे. रितेश देशमुखला पाहून अनेकांना आनंद झाला. बिग बॉसच्या घरातील अनेक सदस्यांनी देखील रितेशचं स्वागत केलं. पण महेश मांजरेकर यांच्या एक्झिट कारण हे अनेकांना समजलं नाही. पण आता मांजरेकरांनी याबाबत खुलासा केल्याने अनेकांचा संभ्रम दूर झाला आहे.
महेश मांजरेकरांनी काय म्हटलं?
बिग बॉसविषयी बोलताना महेश मांजरेकरांनी म्हटलं की, मी सध्या मणिरत्नम यांच्या 'ठग लाइफ' सिनेमात व्यस्त आहे. त्याचप्रमाणे सध्या एका कन्नड सिनेमाचंही काम सुरु आहे. त्या चित्रपटांसाठी मी दिल्ली,लंडन आणि बँकॉकमध्ये शुटींगसाठी धावतोय. त्याला दोन ते तून महिने तरी लागतीलच. हे दोन ते तीन महिने मी बाहेर असणार आहे. त्याचप्रमाणे मनात काही विषय घोळतायत आणि हे काम संपल्यानंतर माझ्या कलाकृतींसाठीचं काम सुरु करणार आहे.
महाराष्ट्रात पुन्हा घुमणार बिग बॉसचा आवाज
हिंदीमधल्या अफाट यशानंतर 'बिग बॉस' हा कार्यक्रम मराठीतही सुरु झाला. “बिग बॉस मराठी”चा आवाज संपूर्ण महाराष्ट्राच्या घराघरांत जाऊन पोहोचला. प्रेक्षक या कार्यक्रमावर बेहद फिदा झाले. “बिग बॉस मराठी” च्या पहिल्या चार सिझनने मराठी प्रेक्षकांची तुफान मने जिंकली आणि मराठमोळ्या थिमसह बिग बॉसच्या चारही सिझनची जोरदार चर्चा झाली. आता त्याच 'बिग बॅास' मराठीच्या नव्या सिझनची जोरात तयारी सुरू झालीय.
'बिग बॅास'चे घर ही नेहमीच रसिकांच्या औत्सुक्याची, कुतूहलाची बाब असते. बिग बॅास मराठीचे हे आलिशान घर आकार घेऊ लागले आहे. तसेच बिग बॅासच्या घरातील अतरंगी मोहरे यांचीही कसून निवड प्रक्रिया सुरू झाली आहे. या सिझनमध्ये 'बिग बॅास'च्या या घरात आणखी काय काय नाविन्य असेल, काय एक्स्ट्रा गॅासिप अर्थात एक्स्ट्रा मनोरंजन पहायला मिळणार, याकडे प्रेक्षकांचे लक्ष लागून आहे.
ही बातमी वाचा :
महत्त्वाच्या बातम्या
