Bigg Boss 11 : बिग बॉस 11 च्या स्पर्धकाने मित्रावरचं केला बलात्काराचा आरोप, गुन्हा दाखल

Bigg Boss 11 : बिग बॉस 11 (Bigg Boss 11) मधील एका महिला स्पर्धकाने आपल्या मित्रावरच गंभीर आरोप केले आहेत. माझ्या मित्राने फ्लॅटवर बोलावून माझ्यावर बलात्कार (Rape) केला, असा आरोप अभिनेत्री आणि मॉडेल असलेल्या पीडितेने केलाय.

(Photo Credit : ABP Graphics/Biggboss/X)

Bigg Boss 11 : बिग बॉस 11 (Bigg Boss 11) मधील एका महिला स्पर्धकाने आपल्या मित्रावरच गंभीर आरोप केले आहेत. माझ्या मित्राने फ्लॅटवर बोलावून माझ्यावर बलात्कार (Rape) केला, असा आरोप अभिनेत्री आणि मॉडेल असलेल्या पीडितेने केलाय. पोलिसांच्या माहितीनुसार, पीडित अभिनेत्रीने दक्षिण दिल्लीतील पोलीस (Delhi Police) ठाण्यात तक्रार दाखल केली आहे. त्यानंतर पोलिसांनी या प्रकरणी गुन्हा दाखल केला असून तपास करण्यास सुरुवात केली आहे. 'आज तक'ने याबाबतचे वृत्त दिले आहे. 

बिग बॉस 11 (Bigg Boss 11) च्या सिझनला प्रेक्षकांचा तुफान प्रतिसाद मिळाला होता. या सिझनमध्ये पीडितेने अतिशय चांगली कामगिरी केली होती. शिवाय, होस्ट आणि अभिनेता सलमान खान याच्याशीही तिचा सुसंवाद असायचा. शोमध्ये सहभागी होण्यापूर्वीही ती वादात सापडली होती. मात्र, बिग बॉसमधून बाहेर पडल्यानंतर तिला कोणताही मोठा प्रोजेक्ट मिळाला नाही. आता मित्रावरच बलात्काराचे आरोप केल्याने ती पुन्हा एकदा चर्चेत आली आहे. 

बिग बॉसचा 17 वा सिझन चर्चेत (Bigg Boss 17)

बिग बॉस 17 चा महाअंतिम सोहळा रविवारी (दि.27) पार पडला. त्यामुळे सध्या बिग बॉसबाबत तुफान चर्चा रंगल्या आहेत. यंदाच्या सिझनमध्ये मुन्नवर फारुकी हा विजेता ठरला आहे. मुन्नवर फारुकी, अभिषेक कुमार, मन्नारा चोप्रा, अरुण महाशेट्टी आणि अंकिता लोखंडे हे अंतिम फेरीत पोहोचले होते. अभिषेक कुमार आणि मुन्नवर फारुकीमध्ये अंतिम लढत झाली. दरम्यान, शेवटी सलमानने मुन्नवर फारुकीला विजेता घोषित केले. 

मुन्नवर फारुकीकडून जोरदार सेलिब्रेशन 

बिग बॉस 17 चा खिताब जिंकल्यानंतर मुन्नवर फारुकीने जोरदार सेलिब्रेशन केलंय. सोशल मीडियावर देखील त्याच्यावर चाहत्यांकडून शुभेच्छांचा वर्षाव होत आहे. मुन्नवरचा एक व्हिडीओ सोशल मीडियावर तुफान व्हायरल झाला आहे. यामध्ये हजारो चाहत्यांनी मुन्नवरला त्याचे अभिनंदन करण्यासाठी घेरले आहे. मुंबईच्या डोंगरीतील राहिवासी असल्याने या भागातील लोक त्याच्या स्वागतासाठी हजारोंच्या संख्येने उपस्थित होते. 

बिग बॉस 17 : अंकिता लोखंडे आणि विकी जैनमध्ये वाद 

अभिनेत्री अंकिता लोखंडे आणि विकी जैन यांच्यामध्ये बिग बॉस 17 च्या सिझनमध्ये मोठा वाद पाहायला मिळाला. आता शो संपल्यानंतर दोघांमध्ये घटस्फोट होईल, अशी शक्यता वर्तवण्यात येत आहे. अंकिता बिग बॉसमध्ये फारच पजेसिव्ह आणि असुरक्षित पाहायला मिळाले. शिवाय, तिने सहानुभूती मिळवण्याचा प्रयत्न केला, असा आरोपही तिच्यावर करण्यात आला होता.

इतर महत्वाच्या बातम्या