Best Psychological Thriller Web Series: काय स्टोरी अन् काय ती स्टारकास्ट; आठ वर्षांपूर्वीच्या 'या' सीरिजची बातच काही और, डोकं भंडावणारा थ्रील, IMDb रेटिंग 8.2
Best Psychological Thriller Web Series: ओटीटीवरच्या सर्वोत्तम सायकोलॉजिकल थ्रिलरपैकी एक असलेली ही सीरिज, आठ वर्षांपूर्वी ऑनलाइन स्ट्रीम करण्यात आलेली आणि अजूनही ती अनेकजण पुन्हा पुन्हा पाहतात.
Best Psychological Thriller Web Series: बऱ्याचदा असं दिसून येतं की, काही सिनेमे (Movies) आणि वेब सीरिज (Web Series) जरी खूप पूर्वी प्रदर्शित झालेले असले तरीसुद्धा त्यांच्या रोमांचक आणि मनमोहक कथांमुळे अजूनही चर्चेत असतात. आज आम्ही अशाच एका दमदार सीरिजबाबत तुम्हाला सांगणार आहोत. ही भारतीय सिनेमाच्या इतिहासातील सर्वोत्तम सायकोलॉजिकल थ्रिलर वेब सीरिज (Psychological Thriller Web Series) आहे. जी ओटीटीवरच्या सर्वोत्तम सायकोलॉजिकल थ्रिलरपैकी एक आहे. ही सीरिज आठ वर्षांपूर्वी ऑनलाइन स्ट्रीम करण्यात आलेली आणि अजूनही ती अनेकजण पुन्हा पुन्हा पाहतात.
ओटीटीवर 'या' सीरिजचा दबदबा
आम्ही ज्या वेब सीरिजबाबत सांगतोय, ती 2018 मध्ये ओटीटी प्लॅटफॉर्म अमेझॉन प्राइम व्हिडिओवर (Amazon Prime Video) स्ट्रीम झाली होती. ही कथा तीन पात्रांभोवती फिरते: एक असहाय्य वडील आणि त्याचा आजारी मुलगा आणि एक चलाख पोलीस अधिकारी.
ही सीरिज एका माणसाच्या आनंदी कुटुंबापासून सुरू होते, पण कथा पुढे सरकत असताना, त्याला कळतं की, त्याचा मुलगा गंभीर आजारानं ग्रस्त आहे आणि त्याला फुफ्फुसाच्या डोनरची आवश्यकता आहे. आपल्या मुलाला वाचवण्यासाठी, तो माणूस ऑर्गन डोनरचा शोध सुरू करतो. पण जेव्हा त्याचा शोध अयशस्वी होतो, तेव्हा तो ऑर्गन डोनरच्या यादीत ज्यांनी आधीच आपली नावं नोंदवली आहेत, त्यांना मारण्यास सुरुवात करतो. आतापर्यंत, तुम्हाला कदाचित समजलं असेल की, आपण अभिनेता आर. माधवन आणि अमित साध यांची वेब सीरिज, ब्रीद सीझन 1 (Breathe Season 1) बद्दल बोलत आहोत. ब्रीद ही अमेझॉन प्राइम व्हिडिओवरील टॉप-रेटेड वेब सीरिज आहे.
'ब्रीद सीझन 1'ची IMDb रेटिंग
आर. माधवन स्टारर 'ब्रीद' चित्रपटाच्या उत्कृष्ट कंटेंटचा अंदाज तुम्ही त्याच्या आयएमडीबी रेटिंगवरून सहजपणे बांधू शकता. 8.2/10 चं प्रभावी रेटिंग हे सिद्ध करतं की, ही सीरिज नक्कीच पहावी. हे लक्षात घेण्यासारखं आहे की, 'ब्रीद'नं आतापर्यंत दोन सीझन प्रदर्शित केले आहेत, जे दोन्ही प्राइम व्हिडीओवर यशस्वी झाले आहेत.
महत्त्वाच्या इतर बातम्या :
महत्त्वाच्या बातम्या
