Asha Bhosle, Athiya Shetty Big Mistake: आशाताईंसाठी श्रद्धांजलीची पोस्ट लिहिली, मात्र फोटो लतादीदींचा लावला; सुपरस्टारची लेक ट्रोल, पटकन डिलीट केली पोस्ट, अन्...
Asha Bhosle, Athiya Shetty Big Mistake: अथिया शेट्टीची चूक नेटकऱ्यांनी हेरली आणि तिच्या पोस्टचे काढून ठेवलेले 'स्क्रीनशॉट्स' व्हायरल करायला सुरुवात केली. आणि अथियाची चूक अल्पावधीतच संपूर्ण इंटरनेटवर 'व्हायरल' झाली.
Asha Bhosle, Athiya Shetty Big Mistake: दिग्गज गायिका आशा भोसले (Asha Bhosle) यांच्या निधनाच्या वृत्तानं संपूर्ण देश शोकसागरात बुडाला आहे. मात्र, याच दरम्यान बॉलिवूड अभिनेत्री अथिया शेट्टी (Bollywood Actress Athiya Shetty) मात्र खूप ट्रोल होतेय. आशाताईंच्या निधनाचं वृत्त समजताच, अनेकांनी सोशल मीडियावर पोस्ट करुन त्यांना श्रद्धांजली वाहिली. यामध्ये अथिया शेट्टीही (Athiya Shetty) होती. अथियानं इन्स्टाग्रामवर आशा भोसले यांच्यासाठी श्रद्धांजली वाहणारी पोस्ट लिहिली खरी, पण त्यासोबत तिनं चुकून लता मंगेशकर (Lata Mangeshkar) यांचा फोटो पोस्ट केला. आपली चूक लक्षात येताच अथिया शेट्टीनं तात्काळ फोटो डिलिट केला. पण, तोपर्यंत उशीर झालेला. तिची चूक नेटकऱ्यांनी हेरली आणि तिच्या पोस्टचे काढून ठेवलेले 'स्क्रीनशॉट्स' व्हायरल करायला सुरुवात केली. आणि अथियाची चूक अल्पावधीतच संपूर्ण इंटरनेटवर 'व्हायरल' झाली.
अथियाच्या या निष्काळजीपणाच्या कृत्यामुळे सोशल मीडियावर प्रचंड संतापले. ट्विटरवर अनेकजण तिची खिल्ली उडवत आहेत आणि तिच्या विचारांवर प्रश्नचिन्ह उपस्थित करत आहेत. एका युजरनं तर असंही सुचवलंय की, 'नेपो किड्स' केवळ प्रसिद्धीच्या झोतात राहण्यासाठी धडपडतात, मात्र त्यासाठी आपल्या बुद्धीचा वापर करत नाहीत, आणि नेमक्या याच कारणामुळे त्यांच्याकडून अशा प्रकारच्या चुका घडतात.
ट्रोल करणाऱ्या युजर्सचं म्हणणं आहे की, या प्रसंगाचं गांभीर्य लक्षात घेता, पोस्ट करण्यापूर्वी अथियानं किमान त्या फोटोची खात्री तरी करायला हवी होती. काही युजर्सनी या घटनेला केवळ 'लक्ष वेधून घेण्याची युक्ती' (Attention Seeking Tactic) असं संबोधलंय, तर काहींनी याला निव्वळ 'अज्ञान' असल्याचं म्हटलंय. युजर्समध्ये यावर एकमत दिसून येतंय की, जर एखाद्याकडे अचूक माहिती उपलब्ध नसेल, तर चुकीचा फोटो जोडून दिग्गज कलाकारांचा अपमान करण्यापेक्षा, केवळ मजकुराच्या स्वरूपात श्रद्धांजली वाहणंच अधिक योग्य ठरतंय.
It’s really sad to see how careless people can be on serious matters.
— अंकुश (@ankushtweets) April 12, 2026
Athiya Shetty shared a photo of Lata Mangeshkar ji while mourning Asha Bhosle ji is not just a small mistake, it shows a lack of attention.
The least one can do is check before posting, especially in such… pic.twitter.com/cEHXaXYoMh
Athiya Shetty want to be such ✨aesthetic✨ girl but something is off always https://t.co/zhBO1jUjY8
— M (@mi_miracle1485) April 12, 2026
अथिया शेट्टीनं अद्याप कोणतंही स्पष्टीकरण दिलेलं नाही
दरम्यान, या संपूर्ण गोंधळाबाबत अथिया शेट्टीकडून कोणतंही अधिकृत निवेदन किंवा स्पष्टीकरण जारी करण्यात आलेलं नाही. पण, ट्रोलिंगचा सामना केल्यानंतर, तिनं एक नवी पोस्ट शेअर करून आपली चूक सुधारली आहे. या पोस्टमध्ये तिनं आशा भोसले यांना यथोचित आदरांजली वाहिली आहे. एका बाजूला हा वाद सुरू असतानाच, दुसऱ्या बाजूला संपूर्ण देश शोकाकुल वातावरणात आशाताईंना अखेरचा निरोप देत आहे.
महत्त्वाच्या इतर बातम्या :
महत्त्वाच्या बातम्या
