Kartik Aaryan: मराठमोळ्या अभिनेत्याची बॉलिवूडमध्ये एन्ट्री; कार्तिक आर्यनसोबत शेअर करणार स्क्रीन

Aroh Welankar: कार्तिकच्या आगामी चित्रपटामधून एक मराठमोळा अभिनेता बॉलिवूडमध्ये पदार्पण करत आहे. जाणून घेऊयात या अभिनेत्याबद्दल...

Aroh Welankar

Kartik Aaryan Movie : अभिनेता कार्तिक आर्यन (Kartik Aaryan) हा त्याच्या अभिनयानं प्रेक्षकांची मनं जिंकतो. कार्तिकचे चाहते त्याच्या आगामी चित्रपटाची उत्सुकतेने वाट बघत असतात. अशातच आता कार्तिकच्या आगामी चित्रपटामधून एक मराठमोळा अभिनेता बॉलिवूडमध्ये पदार्पण करत आहे. जाणून घेऊयात या अभिनेत्याबद्दल...

आरोह वेलणकर बॉलिवूडमध्ये करणार पदार्पण (Aroh Welankar Bollywood Debut)

मराठी चित्रपटसृष्टीतील प्रसिद्ध अभिनेता आरोह वेलणकर हा लवकरच बॉलिवूडमध्ये पदार्पण करणार आहे. नुकतेच आरोहनं त्याच्या पहिल्या हिंदी चित्रपटाचं शूटिंग पूर्ण केलं. आरोहनं एक खास पोस्ट शेअर करुन त्याच्या पहिल्या हिंदी चित्रपटाची माहिती चाहत्यांना दिली आहे.  कार्तिक आर्यनसोबतचे काही फोटो शेअर करुन आरोहनं कॅप्शनमध्ये लिहिलं, "And its a wrap.अद्भुत लोकांसोबत या अद्भुत चित्रपटाचे शूटिंग करताना मजा आली. पुढच्या वर्षी रिलीज होणाऱ्या माझ्या पहिल्या हिंदी चित्रपटाची वाट पाहत आहे" 

कबीर खाननं केलंय चित्रपटाचं दिग्दर्शन

आरोह त्याच्या पहिल्या हिंदी चित्रपटात कार्तिक आर्यनसोबत स्क्रिन शेअर करणार आहे. आरोहनं त्याच्या या आगामी चित्रपटाच्या नावाची माहिती पोस्टमध्ये दिलेली नाही.  या चित्रपटाचं दिग्दर्शन  कबीर खान यांनी केलं असून या चित्रपटाची निर्मिती साजिद नाडियाडवाला यांनी केली आहे. कबीर खाननं बजरंगी भाईजान, 83, एक था टायगर, ट्युबलाईट यांसारख्या चित्रपटांचं दिग्दर्शन केलं आहे. आता त्याच्या या आगामी चित्रपटाची प्रेक्षक उत्सुकतेने वाट बघत आहेत.   

 

 

 

 

 

View this post on Instagram

 

 

 

 

 

 

 

 

 

 

 

A post shared by Aroh Welankar (@arohwelankar)

आरोहनं 'या' चित्रपटांमध्ये केलं काम (Aroh Welankar Movies)

रेगे, घंटा, हॉस्टेल डेज, फनरल यांसारख्या चित्रपटांमध्ये आरोहनं काम केलं आहे. त्याच्या रेगे या चित्रपटामधील अभिनयाचं अनेकांनी कौतुक केलं. बिग बॉस मराठीच्या दुसऱ्या  सीझनमध्ये आरोहनं सहभाग घेतला होता. तसेच  बिग बॉस मराठीच्या चौथ्या सीझनमध्ये देखील त्यानं एन्ट्री केली होती. आता आरोहच्या आगामी हिंदी चित्रपटांची प्रेक्षक उत्सुकतेने वाट बघत आहेत.   

कार्तिक आर्यनच्या सत्यप्रेम की कथा,  भूल भुलैया-2 या चित्रपटांना प्रेक्षकांची पसंती मिळाली. आता कार्तिकचा आणि आरोहचा हा आगामी चित्रपट बॉक्स ऑफिसवर धुमाकूळ घालणार का? याकडे अनेकांचे लक्ष लागले आहे.

वाचा इतर महत्वाच्या बातम्या: