Alia Ranbir Wedding Live Updates : आली समीप लग्नघटीका... आलिया-रणबीर उद्या अडकणार लग्नबंधनात
बॉलिवूडमधील प्रसिद्ध अभिनेता रणबीर कपूर आणि अभिनेत्री आलिया भट हे लवकरच विवाह बंधनात अडकणार आहेत.
LIVE
Background
Alia Ranbir Wedding Live Updates : बॉलिवूडमधील प्रसिद्ध अभिनेता रणबीर कपूर (Ranbir Kapoor) आणि अभिनेत्री आलिया भट (Alia Bhatt) हे लवकरच विवाह बंधनात अडकणार आहेत. यांच्या विवाह सोहळ्याच्या आधीच्या समारंभाला सुरूवात झाली आहे. आलिया आणि रणबीरच्या कुटुंबातील सर्व व्यक्ती तसेच त्यांचे मित्र-मैत्रिणी लग्नसोहळ्याला हजेरी लावणार आहेत.
अयान मुखर्जीनं दिल्या शुभेच्छा
अयाननं ब्रम्हास्त्रमधील गाण्याची झलक शेअर केली आहे. अयाननं हा व्हिडीओ शेअर करून कॅप्शनमध्ये लिहिले, ' आलिया आणि रणबीरसाठी खास... हे दोघे लवकर नव्या प्रवासाला सुरूवात करणार आहेत. हे दोघे माझ्या आयुष्यातील जवळचे व्यक्ती आहेत. तुम्हाला पुढच्या वाटचालीसाठी शुभेच्छा. 'रिपोर्टनुसार, आर. के. स्टुडिओमध्ये रणबीर आणि आलियाचा विवाह सोहळा पार पडणार आहे.
'हे' सेलिब्रिटी लावणार हजेरी
आलिया आणि रणबीरच्या रॉयल वेडिंगला अनेक प्रसिद्ध कलाकार हजेरी लावणार आहेत. नुकतीच त्यांच्या लग्नसोहळ्याची गेस्ट लिस्ट लीक झाली आहे. या लिस्टनुसार, प्रसिद्ध दिग्दर्शक करण दोहर जोया अख्तर, संजय लीला भंसाली, वरुण धवन, रोहित धवन आणि डिजायनर मसाबा गुप्ता हे आलिया आणि रणबीरच्या विवाह सोहळ्याला उपस्थित राहणार आहेत. या लिस्टमध्ये आलिया आणि रणबीरच्या ब्रम्हास्त्र या चित्रपटांचा दिग्दर्शक अयान मुखर्जी याच्या नावाचाही समावेश आहे.
तसेच आलिया आणि रणबीर यांचे जवळचे मित्र-मैत्रीणी देखील या रॉयल विवाह सोहळ्याला उपस्थित राहणार आहेत. मनीष मल्होत्रा, अनुष्का रंजन, अर्जुन कपूर आणि शाहरुख खान हे आलिया आणि रणबीरच्या लग्नसोहळ्याला उपस्थित राहणार आहेत. करीना कपूर खान, करिश्मा कपूर, रिद्धिमा कपूर, नीतू कपूर, सैफ अली खान, महेश भट्ट, मुकेश भट्ट, सोनी राजदान हे आलिया आणि रणबीरच्या लग्न सोहळ्याला हजेरी लावणार आहेत.
संजय दत्तनं दिली होती प्रतिक्रिया
संजय दत्तनं एका मुलाखतीमध्ये सांगितलं, 'जर रणबीर लग्न करत असेल तर मी त्याला शुभेच्छा देतो. लग्न हे एकमेकांना करण्यात आलेलं वचन आहे. त्या दोघांनी एकमेकांची साथ द्यावी आणि खुश राहावं, तसेच रणबीर तु लवकर बाबा हो आणि आनंदी राहा.' रणबीरनं 'संजू' या संजय दत्तच्या जीवनावर आधारित चित्रपटामध्ये प्रमुख भूमिका साकारली होती. संजय दत्तच्या भूमिकेत रणबीरला पाहून प्रेक्षक थक्क झाले होते.
Alia bhatt Ranbir Kapoor Wedding : कृष्णराज ते वास्तूपर्यंत आलिया-रणबीरच्या लग्नाची वरात
पुढल्या काही तासांत आलिया-रणबीर लग्नबंधनात अडकणार आहेत. ई-टाइम्सच्या वृत्तानुसार, कृष्णराज ते वास्तूपर्यंत आलिया-रणबीरच्या लग्नाची वरात जाणार आहे.
Alia Ranbir Wedding : चोरलेले बूट मिळविण्यासाठी रणबीर देणार तब्बल इतकी रक्कम
रणबीरने त्याच्या लग्नाच्या बूट चोरीच्या समारंभासाठी खास रक्कम निश्चित केल्याचं कळतंय. रिपोर्ट्सनुसार, रणबीर आलियाच्या गर्ल्स गँगसाठी एक लाख रुपये देणार आहे.
Alia Ranbir Wedding : रणबीर- आलियाच्या मेहेंदी सोहळ्याचा करण जोहर होस्ट
रणबीर- आलियाच्या मेहेंदी सोहळ्याचा करण जोहर होस्टच्या भूमिकेत होता.
Alia Ranbir Wedding : मेहंदी सोहळ्यात नीतू कपूर आणि करण जोहर भावूक
आलिया-रणबीरच्या लग्नसोहळ्यात नीतू कपूर आणि करण जोहर भावूक झालेले पाहायला मिळाले. रिपोर्ट्सनुसार, आलियाच्या हातावर मेहंदी लागल्यानंतर करण जोहर भावूक झाला होता. तर दुसरीकडे ऋषी कपूर यांच्या आठवणीत नीतू कपूरदेखील भावूक झाल्या होत्या.
Ranbir-Alia Wedding : आलिया-रणबीर उद्या अडकणार लग्नबंधनात, नीतू कपूरने दिली माहिती
आलिया भट्ट आणि रणबीर कपूर उद्या लग्नबंधनात अडकणार आहे. नीतू कपूरने नुकतीच यासंदर्भात माहिती दिली आहे.
महत्त्वाच्या बातम्या
ट्रेंडिंग न्यूज
