(Source: Poll of Polls)
Aishwarya Sharma And Neil Bhatts Divorce Rumours: जी भिती होती तेच झालं? ऐश्वर्यानं एकटीनं साजरी केली दिवाळी; घटस्फोटाच्या चर्चांना पुन्हा जोर
Aishwarya Sharma And Neil Bhatts Divorce Rumours: एकट्यानं दिवाळी साजरी करत असतानाचे ऐश्वर्याच्या फोटोंमुळे घटस्फोटाच्या चर्चांना पुन्हा एकदा जोर आला आहे.
Aishwarya Sharma And Neil Bhatts Divorce Rumours: लोकप्रिय टेलिव्हिजन कपल ऐश्वर्या शर्मा (Aishwarya Sharma) आणि नील भट्ट (Neil Bhatt) यांच्यात सारं काही आलबेल नसल्याचं बोललं जात आहे. दोघांच्या घटस्फोटाच्या (Aishwarya Sharma And Neil Bhatt Is Taking Divorce) बातम्यांनी सोशल मीडियावर धुमाकूळ घातला आहे. ऐश्वर्यानं दिवाळीही एकटीनंच साजरी केली. तिनं दिवाळीचे काही फोटो सोशल मीडियावर शेअर केले आहेत. ज्यामुळे चाहत्यांनी नीलवर प्रश्नचिन्ह उपस्थित केले आहेत. पण, दोघांनीही अद्याप कोणताही प्रतिसाद दिलेला नाही. पण, एकट्यानं दिवाळी साजरी करत असतानाचे ऐश्वर्याच्या फोटोंमुळे घटस्फोटाच्या चर्चांना पुन्हा एकदा जोर आला आहे.
ऐश्वर्या शर्माची सोशल मीडिया पोस्ट (Aishwarya Sharma Social Media Post)
ऐश्वर्या शर्मानं आपल्या इन्स्टाग्रामवर दिवाळी सेलिब्रेशनचे काही फोटो शेअर केलेत. या फोटोंमध्ये ती एकटीच दिसतेय. तिनं सुंदर ट्रेडिशनल ड्रेस वेअर केलाय. या फोटोंसह ऐश्वर्यानं एक कॅप्शन लिहिलंय, त्यात म्हटलंय की, "Let’s sparkle brighter than the fireworks… Let the light of Diwali illuminate your life with love and prosperity..."
ऐश्वर्यानं हे फोटो पोस्ट करताच, चाहत्यांनी कमेंट सेक्शनमध्ये प्रतिक्रिया देण्यास सुरुवात केली. अनेकांनी ऐश्वर्याच्या सौंदर्याचं कौतुक केलं आणि तिला दिवाळीच्या शुभेच्छा दिल्या. दरम्यान, अनेकांनी तिच्यासोबत नील न दिसल्यामुळे चिंता व्यक्त केली. काही युजर्सनी विचारलं, "नील कुठे आहे?" तर काहींनी कमेंट केलीय की, त्यांना या जोडप्याला एकत्र पाहून खूप आनंद झाला.
View this post on Instagram
काहींनी तर इतर युजर्सना उगाच कोणताही निष्कर्ष काढू नये, असं आवाहन केलं. तसेच, इतरांना आठवण करुन दिली की, या जोडप्यानं अद्याप त्यांच्या नात्याबद्दल कोणतंही अधिकृत वक्तव्य केलेलं नाही. दरम्यान, इतरांनी शुभेच्छा पाठवल्या आणि ऐश्वर्या आणि नीलमध्ये सर्व काही ठीक होईल, अशी आशा व्यक्त केली.
कधी, कशी झालेली ऐश्वर्या आणि नीलची पहिली भेट? (Aishwarya Sharma, Neil Bhatt First Meeting)
ऐश्वर्या शर्मा आणि नील भट्ट यांची भेट 'Ghum Hai Kisikey Pyaar Meiin' या शोच्या सेटवर झाली. ते प्रेमात पडले आणि त्यांनी डेटिंग सुरू केली. त्यांनी 2021 मध्ये लग्न केलं. त्यानंतर ते 'स्मार्ट जोडी' आणि 'बिग बॉस 17' सारख्या शोमध्ये एकत्र दिसले.
चाहत्यांना ऐश्वर्या आणि नील यांनी एकमेकांना अनफॉलो केल्याचं लक्षात आल्यानं सोशल मीडियावर घटस्फोटाच्या अफवा वाढल्या, पण नंतर त्यांनी पुन्हा एकमेकांना फॉलो करणं सुरू ठेवलं. शिवाय, नील भट्टला अलीकडेच एका मिस्ट्री वुमनसोबत पाहिलं गेलेलं, ज्यामुळे घटस्फोटाच्या चर्चांना आणखी जोर आला. या सर्वांमध्ये, या जोडप्याकडून कोणतेही स्पष्टीकरण आलेलं नाही.
महत्त्वाच्या बातम्या
