Aishwarya Narkar and Avinash Narkar : 27 वर्षांच्या सहजीवनाचा प्रवास, एश्वर्या नारकर यांनी शेअर केली अविनाश नारकर यांच्यासोबतची गोड आठवण
Aishwarya Narkar and Avinash Narkar Viral Video : अविनाश नारकर आणि ऐश्वर्या नारकर हे मराठी सिनेसृष्टीमधील सुपरहिट कपल म्हणून ओळखले जाते. त्यांची एक गोड आठवण ऐश्वर्या नारकर यांनी शेअर केली आहे.
Aishwarya Narkar and Avinash Narkar Viral Video : मराठी सिनेसृष्टीत मागील अनेक वर्ष अविनाश नारकर (Avinash Narkar) आणि ऐश्वर्या नारकर (Aishwarya Narkar) हे जोडपं प्रेक्षकांच्या पसंतीस उतरत आहे. सध्या हे कपल त्यांनी केलेल्या रिल्समुळे बरेच चर्चेत असतं. अभिनय क्षेत्रात देखील या जोडप्याने त्यांच्या कामाने कायमच प्रेक्षकांची मनं जिंकलीत. पण अभिनयासोबतच त्यांनी खऱ्या आयुष्यातही त्यांच नातं तितकचं जपलं मनापासून जपल्याचं पाहायला मिळतं. सध्या ऐश्वर्या नारकर यांच्या अनेक रिल्सवर चाहते फिदा होत असल्याचं पाहायला मिळतं. असाच एक रिल सध्या त्यांनी त्यांच्या सोशल मीडिया अकाऊंटवरुन शेअर केला आहे. अविनाश नारकर यांच्यासोबतची एक जुनी आणि गोड आठवण ऐश्वर्या नारकर यांनी शेअर केलीये.
सोशल मीडियाच्या माध्यमातून अनेक कलाकार मंडळी त्यांच्या वयक्तिक आयुष्यातल्या गोड आठवणींना उजाळा देतात. त्यांच्या चाहत्यांना देखील कलाकार मंडळींच्या या आठवणी खूप आवडतात. असाच एक व्हिडिओ ऐश्वर्या नारकर यांनी शेअर केली आहे. त्यांनी अविनाश नारकर यांच्यासोबतचा 27 वर्ष जुना म्हणजेच 1997 सालचा फोटो शेअर केला आहेत. तसेच त्यांनी सध्याचा म्हणजेच 2024 चा देखील त्यांचा एक फोटो शेअर केलाय. या दोन्ही फोटोचा एक व्हिडिओ तयार करुन ऐश्वर्या नारकर यांनी रिल म्हणून त्यांच्या इन्स्टाग्राम अकाऊंटवर टाकलाय.
View this post on Instagram
चाहत्यांकडून कमेंट्सचा वर्षाव
ऐश्वर्या नारकर यांनी शेअर केलेल्या या व्हिडिओवर त्यांच्या चाहत्यांनी देखील कमेंट्सचा वर्षाव केलाय. अनेक कलाकारांनी देखील ऐश्वर्या नारकर यांच्या या रिलवर कमेंट केली आहे. इतकी वर्षे गेली तरी आपण दोघेही अजून फिट आणि हीट आहात अशा कमेंट्स त्यांच्या चाहत्यांनी केल्या आहेत. ऐश्वर्या नारकर यांनी या व्हिडिओला कॅप्शन देखील दिलंय. एकत्र रुजूया, एकत्र मोठे होऊया आणि या सगळ्या प्रवासाचा एकत्र आनंद घेऊया असं कॅप्शन ऐश्वर्या नारकर यांनी लिहिलं आहे.
ऐश्वर्या नारकर आणि अविनाश नारकर यांच्या कामाबद्दल
ऐश्वर्या नारकर या सध्या झी मराठी वाहिनीवरील सातव्या मुलीची सातवी मुलगी या मालिकेत खलनायिकेची भूमिका साकारत आहेत. तसेच अविनाश नारकर हे सध्या सन मराठीवरील कन्यादान या मालिकेतून प्रेक्षकांच्या भेटीला येतायत.
ही बातमी वाचा :
महत्त्वाच्या बातम्या
