Aiadmk Leader CV Shanmugam On Nayanthara: 'मला नयनतारा हवीय...', सर्वांदेखत टीका करताना खासदाराची जीभ घसरली, सुपरस्टार अभिनेत्रीबाबत 'नको ते वक्तव्य'
Aiadmk Leader CV Shanmugam On Nayanthara: तामिळनाडू विधानसभा निवडणुकांदरम्यान, AIADMK चे खासदार सी.व्ही. षण्मुगम यांनी अभिनेत्री नयनतारा हिच्याबाबत केलेल्या वक्तव्यावरून मोठा वाद निर्माण झाला आहे.
Aiadmk Leader CV Shanmugam On Nayanthara: देशात विधानसभा निवडणुकांचं (Tamil Nadu Assembly Elections) बिगुल वाजलं असून पाच राज्यांच्या निवडणुकांची घोषणा झाली आहे. आगामी निवडणुकांच्या पार्श्वभूमीवर आता सत्ताधारी आणि विरोधकांमध्ये चांगलीच जुंपल्याचं पाहायला मिळत आहे. पाच राज्यांच्या निवडणुकांमध्ये तामिळनाडूच्या निवडणुका एप्रिल महिन्यात पार पडणार आहेत. तमिळनाडूनमध्ये (Tamil Nadu) सत्तेत असलेल्या द्रमुक पक्षाला (DMK Party) बाजूला काढण्यासाठी इतर पक्षांनी चांगलीच कंबर कसली आहे. तमिळनाडूमध्ये द्रमुख पक्षाचा अण्णाद्रमुक पक्ष (AIADMK Party) कट्टर विरोधक आहे. अशातच, निवडणुकांच्या धामधुमीत एकमेकांवर टीकेच्या फैरी झाडताना थेट सुपरस्टार अभिनेत्रीबाबत आक्षेपार्ह्य वक्तव्य करण्यात आलं आहे. त्यामुळे सध्या मोठा वाद निर्माण झाला आहे.
तामिळनाडू विधानसभा निवडणुकांदरम्यान, AIADMK चे खासदार सी.व्ही. षण्मुगम यांनी अभिनेत्री नयनतारा हिच्याबाबत केलेल्या वक्तव्यावरून मोठा वाद निर्माण झाला आहे. DMK सह इतर राजकीय पक्षांनीही या वक्तव्याचा तीव्र शब्दांत निषेध केला आहे. सी.व्ही. षण्मुगम यांनी केलेलं वक्तव्य महिलांप्रती अपमानकारक आणि आक्षेपार्ह असल्याचा आरोप त्यांच्यावर केला जातोय.
खरं तर स्टालिन यांच्यावर उपहासात्मक टीका करताना सी.व्ही. षण्मुगम यांनी एक प्रश्न उपस्थित केला. यावरुनच मोठा गदारोळ निर्माण झाला आहे. स्टालिन यांच्यावर उपरोधिक टीका करताना सी.व्ही. षण्मुगम यांनी, "ज्याला कोणाला नयनताराशी लग्न करण्याचे स्वप्न पडेल, त्याची ती इच्छा सरकार पूर्ण करेल का?", असा प्रश्न विचारला आणि वादाला तोंड फुटलं. सी.व्ही. षण्मुगम यांच्या वक्तव्यानंतर सोशल मीडियावरही मोठा गदारोळ झाला. सोशल मीडियावर नयनताराच्या चाहत्यांनी या AIADMK खासदाराला चांगलंच धारेवर धरलंय.
नेमकं घडलंय काय?
तामिळनाडूच्या विल्लुपुरम इथे, AIADMK पक्षानं राज्याच्या स्टॅलिन यांच्या नेतृत्वाखालील सरकारविरोधात निदर्शनं केली. या आंदोलनात खासदार सी.व्ही. षण्मुगम यांच्यासह पक्षाचे अनेक नेते सहभागी झाले होते. या निदर्शनांदरम्यान, तामिळनाडूमध्ये लैंगिक छळाच्या घटनांना आळा घालण्यात DMK सरकार पूर्णपणे अपयशी ठरल्याचा आरोप AIADMK नं केला आहे. या कार्यक्रमादरम्यान, खासदार षण्मुगम यांची बोलण्याच्या ओघात
जीभ घसरली आणि त्यांनी अभिनेत्री नयनताराबद्दल एक आक्षेपार्ह वक्तव्य केलं.
उपहासात्मक शैलीत बोलताना त्यांनी म्हटलं की, "अब्दुल कलाम यांनी आपल्याला स्वप्न पाहण्यासाठी सांगितलेलं... स्टॅलिन यांनी मात्र आपण पाहिलेली स्वप्न इतरांसोबत शेअर करायला सांगितलीत. जर मी असं म्हटलं की, 'मला नयनतारा हवी आहे, तर स्टॅलिन माझं हे स्वप्न पूर्ण करतील का?' किंवा जर एखाद्या व्यक्तीनं स्टॅलिन यांच्याकडे अशी मागणी केली की, 'त्याला नयनताराशी लग्न करायचं आहे, तर स्टॅलिन ते स्वप्न सत्यात उतरवतील का?"
दरम्यान, अभिनेत्री नयनताराचे सध्या इन्स्टाग्रामवर 10.2 मिलियन फॉलोअर्स आहेत. दरम्यान, या वक्तव्यावर नयनतारानं अद्याप कोणतीही प्रतिक्रिया किंवा निवेदन जाहीर केलेलं नाही.
महत्त्वाच्या इतर बातम्या :
Before You Go
Arjun Tendulkar Weds Saaniya Chandhok : अर्जुन-सानिया लग्नबंधनात ! स्टायलिश लूकने वेधलं लक्ष
महत्त्वाच्या बातम्या
