Bigg Boss 15 Premiere: प्रेक्षकांना पहायला मिळणार मौनी रॉयचा ग्लॅमरस अंदाज

बिग बॉसच्या 15 व्या सिझनची शोचे चाहते आतुरतेने वाट पाहात होते. या सिझनची सुरूवात आजपासून (2 ऑक्टोबर) होणार आहे.

salman khan moni roy

छोट्या पडद्यावरील सर्वांत चर्चेत असणारा शो 'बिग बॉस' चा 15 (Bigg Boss 15) वा सिझन लवकरच प्रेक्षकांच्या भेटीस येणार आहे. या शोच्या सर्व सिझनला प्रेक्षकांची नेहमी पसंती मिळाली आहे. बिग बॉसमध्ये येणाऱ्या प्रत्येक स्पर्धकाला या शोमुळे प्रचंड लोकप्रियता मिळते. त्यामुळे अनेक कलकार या शोमध्ये सहभाग घेण्यासाठी उत्सुक असतात. बिग बॉसमध्ये भाग घेणाऱ्या स्पर्धकाला वेगवेगळे टास्क खेळावे लागतात. गेली कित्येक वर्ष या शोचे सुत्रसंचालन बॉलिवूडचा भाईजान अभिनेता सलमान खान (salman khan) करत आहेत. सलमानच्या होस्टिंगच्या हटके आणि अनोख्या अंदाजाला अनेकांची पसंती मिळते. बिग बॉसच्या 15 व्या सिझनची शोचे चाहते आतुरतेने वाट पाहात होते. या सिझनची सुरूवात आजपासून (2 ऑक्टोबर) होणार आहे. शोच्या प्रीमियर नाइटला अभिनेत्री मौनी रॉय हजेरी लावणार असून तिचा ग्लॅमरस अंदाज प्रेक्षकांना पहायला मिळणार आहे.  

बिग बॉस शोच्या मेकर्सनी प्रीमियर नाइटचा व्हिडीओ सोशल मीडियावर शेअर केला आहे. या व्हिडीओमध्ये मौनी रॉय 'रात का नशा अभी' या गाण्यावर डान्स करताना दिसत आहे. व्हिडीओमधील  मौनीच्या हटके लूकने सर्वांचे लक्ष वेधले आहे. मोनीसोबतच अभिनेता रणवीर सिंग देखील बिग बॉसच्या प्रीमियर नाइटला हजेरी लावणार आहे. रणवीर त्याच्या 'द बिग पिक्चर' या शोच्या प्रमोशनसाठी बिग बॉसच्या प्रीमियर नाइटला येणार आहे.  बिग बॉसच्या या सिझनमध्ये विधी पंड्या, विशाल कोटियन, करण कुंद्रा, तेजस्वी प्रकाश, सिम्बा नागपाल, मीशा अय्यर, ईशान सहगल, डोनल बिश्त, साहिल श्रॉफ, आकाश सिंह, उमर रियाज, शमिता शेट्टी, प्रतीक सहजपाल, निशांत भट, अफसाना खान आणि जय भानुशाली हे कलाकार सहभागी होणार आहेत, अशी चर्चा सोशल मीडियावर सुरू आहे. 

#BiggBoss15 ke Grand Premiere mein, @Roymouni bhi chalayengi apni kaatil adaaon ka jaadu! Dekhna mat bhoolna aaj raat 9:30 baje aur Mon-Fri 10:30 baje sirf #Colors par. #BB15 @BeingSalmanKhan @TRESemmeIndia @LotusHerbals @justvoot pic.twitter.com/UZd0LtH7mv

— ColorsTV (@ColorsTV) October 2, 2021

आज रात्री 9.30  वाजता कलर्स चॅनलवर बिग बॉसचा 15 वा सिझन प्रेक्षकांच्या भेटीस येणार आहे. तसेच वूट अॅपवर देखील हा शो स्ट्रीम होणार आहे.  प्रेक्षक हा शो सोमवार ते शुक्रवार रात्री 10.30 वाजता पाहू शकतात.