(Source: ECI/ABP News)
Stunt man Dies At Movie Set : 20 फूटांवरून कोसळून स्टंटमनचा चित्रपटाच्या सेटवर मृत्यू, सिनेसृष्टीत हळहळ
Stunt man Dies At Sardar 2 Shooting Spot : सेटवर स्टंटच्या दरम्यान 20 फूटांवरून कोसळून स्टंटमॅनचा मृत्यू झाला आहे. एलुमलाई असे मृत्यू झालेल्या सीनियर स्टंटमॅनचे नाव असून ते 54 वर्षांचे होते.
Stunt man Dies At Sardar 2 Shooting Spot : 'सरदार-2' या चित्रपटाच्या सेटवर चित्रीकरणा दरम्यान भीषण अपघात झाला आहे. सेटवर स्टंटच्या दरम्यान 20 फूटांवरून कोसळून स्टंटमॅनचा मृत्यू झाला आहे. एलुमलाई असे मृत्यू झालेल्या सीनियर स्टंटमॅनचे नाव असून ते 54 वर्षांचे होते. चित्रपटात स्टंट करताना 20 फूटांवरून कोसळून त्यांचे निधन झाले.
एलुमलाई यांनी रजनीकांत, कमल हासन, विजय, अजित कुमार यांच्या अनेक सिनेमांमध्ये स्टंट केले होते. मंगळवारी ते कार्तीच्या 'सरदार 2' या चित्रपटासाठी स्टंट करत होते. त्यानंतर एलव्ही प्रसाद लॅबच्या आवारात ते 20 फूट खाली कोसळले. या वेळी सुरक्षितेची पुरेशी काळजी घेण्यात आली नव्हती असे म्हटले जात आहे. अपघातानंतर त्यांना तातडीने रुग्णालयात नेण्यात आले. मात्र डॉक्टर त्यांना वाचवू शकले नाहीत आणि उपचारा दरम्यान त्यांचा मृत्यू झाला. त्यांच्या छातीभोवती अनेक जखमा होत्या. त्याशिवाय, फुफ्फुसांना गंभीर दुखापत झाली. विरुगंबक्कम पोलिसांनी या प्रकरणी एफआयआर नोंदवून तपास सुरू केला आहे.
‘சர்தார்-2’ சண்டை பயிற்சியாளர் உயிரிழப்பு!https://t.co/wupaoCz9iu | #Sardar2 #Karthi #CinemaUpdate pic.twitter.com/62uNIYHynv
— ABP Nadu (@abpnadu) July 17, 2024
या घटनेने सर्वांनाच धक्का बसला आहे. एलुमलाई यांच्या कुटुंबीयांवर दु:खाचा डोंगर कोसळला आहे. सरदार 2 चित्रपटाच्या सेटवर शोकाकूल वातावरण आहे. एलुमलाई यांच्या आठवणीत अनेकजण शोकाकुल झाले असून त्यांच्या डोळ्यात अश्रू वाहत आहे.
सरदार 2 चे चित्रीकरण....
सरदार -2 चित्रपटाचे चित्रीकरण 15 जुलैपासून सुरू करण्यात आले. चेन्नईतील एलव्ही प्रसाद स्टुडिओत याचे चित्रीकरण सुरू होते. 12 जुलै रोजी 'सरदार-2'ची मुहूर्त पूजा पार पडली होती. यावेळी पीएस मथिरन, कार्थी आणि इतर क्रूचे सदस्य उपस्थित होते. दिग्गज अभिनेते शिवकुमार हे देखील उपस्थित होते.
The auspicious pooja for #Karthi starrer #Sardar2 took place recently and the shooting of the film is scheduled to start on July 15th 2024 in grand sets in Chennai.@Karthi_Offl @psmithran @Prince_Pictures @lakku76 @venkatavmedia @thisisysr @george_dop @rajeevan69 @dhilipaction… pic.twitter.com/nVraSAbMi4
— Prince Pictures (@Prince_Pictures) July 12, 2024
'सरदार-2'मधील इतर कलाकारांबाबतची माहिती समोर आली नाही. या चित्रपटाचा पहिला भाग 2022 मध्ये रिलीज झाला होता. हा एक स्पाय थ्रिलर चित्रपट होता. या चित्रपटात कार्थी दुहेरी भूमिकेत होता.
इतर महत्त्वाची बातमी :
महत्त्वाच्या बातम्या
