68th National Film Awards : 68 व्या राष्ट्रीय चित्रपट पुरस्कारांची घोषणा होणार! पुरस्कारांसाठी ‘या’ चित्रपटांची नावे चर्चेत

68th National Film Awards : आज (22 जुलै) 68व्या चित्रपट राष्ट्रीय चित्रपट पुरस्कारांची घोषणा करणार आहे. दरवर्षी हे पुरस्कार देशातील सर्वोत्कृष्ट निवडक चित्रपट आणि त्याच्याशी संबंधित कलाकारांना दिले जातात.

68th National Film Awards

68^th National Film Awards : माहिती आणि प्रसारण मंत्रालय शुक्रवारी (22 जुलै) 68व्या राष्ट्रीय चित्रपट पुरस्कारांची (68^th National Film Awards) घोषणा करणार आहे. दरवर्षी हे पुरस्कार देशातील सर्वोत्कृष्ट निवडक चित्रपट आणि त्याच्याशी संबंधित कलाकारांना दिले जातात. आज दुपारी 4 वाजल्यापासून हा कार्यक्रम सुरु होणार आहे. या कार्यक्रमात अनेक चित्रपट आणि कलाकारांना पुरस्कार देण्यात येणार आहेत. 68वा चित्रपट राष्ट्रीय चित्रपट सोहळा नवी दिल्लीतील नॅशनल मीडिया सेंटर येथे आयोजित करण्यात येणार असून, त्यामध्ये कलाकारांना त्यांच्या उत्कृष्ट कामासाठी राष्ट्रीय पुरस्काराने गौरवण्यात येणार आहे.

यंदा पुरस्कारांच्या शर्यातील अनेक चित्रपटांची नावे चर्चेत आहेत. यात विकी कौशलचा ‘सरदार उधम सिंग’, सिद्धार्थ मल्होत्राचा ‘शेरशहा’, अजय देवगणचा ‘भुजः द प्राइड ऑफ इंडिया’ आणि विद्या बालनचा ‘शेरनी’ हे चित्रपट चर्चेत आहेत. या चित्रपटांशिवाय साऊथचा ब्लॉकबस्टर चित्रपट ‘पुष्पा: द राइज’चाही या चर्चेत समावेश आहे. या पुरस्कारांमध्ये अनेक श्रेणी असू शकतात, ज्याच्या आधारे कलाकारांना हे पुरस्कार दिले जातील.

मनोज बाजपेयी आणि कंगनाला हा पुरस्कार मिळाला

गेल्या वर्षी अनेक उत्कृष्ट चित्रपट आणि कलाकारांना राष्ट्रीय पुरस्कार देण्यात आले. अभिनेत्री कंगना रनौत, अभिनेता मनोज बाजपेयी व्यतिरिक्त, साऊथ सुपरस्टार रजनीकांत आणि धनुष यांना 67व्या राष्ट्रीय पुरस्कार कार्यक्रमात त्यांच्या मनोरंजन विश्वातील अमुल्य योगदानाबद्दल राष्ट्रीय पुरस्काराने सन्मानित करण्यात आले होते. विज्ञान भवन, दिल्ली येथे हा कार्यक्रम आयोजित करण्यात आला होता.

यावेळी ‘छिछोरे’ला सर्वोत्कृष्ट हिंदी चित्रपटाचा पुरस्कार मिळाला. अभिनेत्रीला कंगना रनौतला ‘मणिकर्णिका’ आणि ‘पंगा’साठी सर्वोत्कृष्ट अभिनेत्रीचा पुरस्कार देण्यात आला. हा पुरस्कार स्वीकारण्यासाठी कंगना रनौत आपल्या आई-वडिलांसोबत आली होती. तर, मनोज बाजपेयी यांना सर्वोत्कृष्ट अभिनेत्याचा पुरस्कार प्रदान करण्यात आला. यंदा या पुरस्कारांवर कोण कोण नाव कोरणार याची उत्सुकता सर्वांनाच लागून राहिली आहे.

हेही वाचा :