Tuljapur Nagarparishad election result 2025:तुळजापुरात भाजपनं मारली बाजी; ड्रग्ज प्रकरणी जामिनावर बाहेर असलेल्या पिटू गंगणेंनी मैदान मारलं
तुळजापुरात तणावपूर्ण वातावरणाच्या पार्श्वभूमीवर मतमोजणी होत आहे. काही दिवसांपूर्वी दोन गटांमध्ये झालेल्या राड्यानंतर पोलीस प्रशासन अलर्ट मोडवर आलं आहे
Dharashiv Nagarparishad election result 2025: राज्यभरातील नगरपरिषद आणि नगरपंचायत निवडणुकांची मतमोजणी आज (21 डिसेंबर) पार पडत आहे. धाराशिवमध्ये कार्यकर्ते आणि समर्थकांमध्ये निकालाची उत्सुकता शिगेला पोहोचली आहे. राष्ट्रवादी काँग्रेस शरद पवार गटाचा स्वतंत्र उमेदवार रिंगणात असल्याने धाराशिव नगरपरिषदेत शिवसेना ठाकरे गट भारतीय जनता पार्टी आणि शरद पवार गट अशी तिहेरी लढत होत आहे . तुळजापुरात तणावपूर्ण वातावरणाच्या पार्श्वभूमीवर मतमोजणी होत आहे. तुळजापूर नगरपरिषदेत भाजपचे पिटू गंगणे (Pitu Gangne) 1770 मतांनी निवडणुकीत विजयी झाले आहेत.काही दिवसांपूर्वी दोन गटांमध्ये झालेल्या राड्यानंतर पोलीस प्रशासन अलर्ट मोडवर आलं आहे.
तुळजापुरात भाजपचे पिंटू गंगणे विजयी
तुळजापूर नगरपरिषदेत भाजपचे पिटू गंगणे 1770 मतांनी निवडणुकीत विजयी झाले आहेत. तुळजापूर ड्रग्ज प्रकरणातील आरोपी असलेल्या पिटू गंगणे यांना जनतेने विजयी कौल दिलाय. तुळजापुरात भाजप आमदार राणाजगजितसिंह पाटील यांचा मतदारसंघात दबदबा कायम असल्याचं दिसतंय. तुळजापुरात भाजपकडून पिटू गंगणे आणि महाविकास आघाडीकडून काँग्रेसचे अमर मगर यांच्यात लढत झाली. नगरपरिषद निवडणुकीच्या प्रचारात विरोधाकांकडून ड्रग्ज मुद्द्यांवर जोरदार प्रचार करण्यात आला.ड्रग्ज प्रकरणातील आरोपींना राजकीय वरदहस्त असल्याचा आरोप विरोधकांनी केला होता. याच पार्श्वभूमीवर भाजपने त्यांना उमेदवारी दिली आणि आता ते निवडूनही आले आहेत. पिटू गंगणे 1770 मतांनी विजयी झाले आहेत.पिंटू गंगणे यांचे नाव तुळजापूर ड्रग्ज प्रकरणामुळे राज्यभर चर्चेत आले होते. या प्रकरणात ते एक आरोपी असून सध्या जामिनावर बाहेर आहेत. महसूल मंत्री चंद्रशेखर बावनकुळे जेव्हा तुळजापूर दौऱ्यावर आले होते, तेव्हा त्यांनी गंगणे यांचा जाहीर सत्कार केला होता. मंदिर विकास आराखड्यासाठी 1865 कोटी रुपयांचा निधी मंजूर केल्याबद्दल हा सत्कार सोहळा आयोजित करण्यात आला होता.
दोन दिवसांपूर्वी दोन गटात राडा
दोन दिवसांपूर्वीच भाजपचे उमेदवार पिटू गंगणे आणि काँग्रेसचे उमेदवार अमर मगर यांचे बंधू ऋषी मगर यांच्यात राडा झाला होता. या घटनेत गोळीबार आणि कोयताने हल्ला झाल्याचा गंभीर प्रकार घडला होता. या प्रकरणी काँग्रेस उमेदवार अमर मगर यांचे बंधू तसेच हल्ल्यात जखमी झालेले कुलदीप मगर यांच्या तक्रारीवरून तुळजापूर पोलीस ठाण्यात गुन्हा दाखल करण्यात आला होता. याप्रकरणी 8 आरोपींना अटकही करण्यात आली होती. या प्रकारानंतर आज मतमोजणी दिवशी तुळजापुरात तीन स्तरीय पोलीस बंदोबस्त तैनात करण्यात आला आहे. दंगल नियंत्रण पथक, एसआरपीएफची टीम तसेच 3 पेट्रोलिंग वाहनांद्वारे दिवसभर शहरात गस्त घातली जात आहे. सुमारे 100 पोलीस कर्मचारी 10 वरिष्ठ पोलीस अधिकारी आणि 60 होमगार्ड यांचा बंदोबस्त लावण्यात आला आहे.
तुळजापूर नगरपरिषदेची प्रभाग रचना
तुळजापूर नगरपरिषदेत एकूण 20 प्रभाग आहेत . 2017 मध्ये तुळजापूर नगर परिषदेत भाजपने 6 जागा जिंकल्या होत्या. राष्ट्रवादी काँग्रेसने 14 जागा जिंकल्या होत्या तर शिवसेना आणि काँग्रेस शुन्यावर होते. 2017 सालच्या निवडणुकीतील एकूण 192 नगरपरिषदांपैकी भारतीय जनता पक्षाने 72 जागा जिंकत आघाडी घेतली होती. 192 नगरपरिषदांमध्ये भाजप सर्वात मोठा पक्ष ठरला होता. दुसरीकडे भारतीय राष्ट्रीय काँग्रेसने 36 जागा जिंकल्या होत्या तर शिवसेना आणि राष्ट्रवादी काँग्रेसने 26 आणि 25 जागा जिंकल्या.
महत्त्वाच्या बातम्या
