Latur District Vidhansabha Result : मोठी बातमी! अमित देशमुख आणि धीरज देशमुख पिछाडीवर, लातूर जिल्ह्यातील कल काय?
लातूर ग्रामीणमधून धीरज देशमुख (Dhiraj Deshmukh) पिछाडीवर आहेत. तर दुसरीकडे लातूर शहरमधून विद्यमान आमदार अमित देशमुख (Amit Deshmuk) हे पिछाडीवर असल्याचं चित्र पाहायला मिळत आहे.
Latur District Vidhansabha Election Result 2024 : लातूर जिल्ह्यात विधानसभेचे (Latur District Vidhan Sabha Election) 6 मतदारसंघ आहेत. तर लोकसभेचा एक मतदारसंघ आहे. दरम्यान, लातूर जिल्ह्यातील सुरुवातीचे काही कल हाती येण्यास सुरुवात झाली आहे. सुरुवातीच्या काही कलांमध्ये लातूर ग्रामीणमधून धीरज देशमुख (Dhiraj Deshmukh) पिछाडीवर आहेत. तर दुसरीकडे लातूर शहरमधून विद्यमान आमदार अमित देशमुख (Amit Deshmuk) हे पिछाडीवर असल्याचं चित्र पाहायला मिळत आहे.
धीरज देशमुख हे लातूर ग्रामीणचे विद्यमान आमदार आहेत. तर अमित देशमुख लातूर शहरचे विद्यमान आमदार आहेत. मात्र, हे दोन्ही देशमुख बंधू पिछाडीवर आहेत. लातूर ग्रामीणमधून भाजपचे रमेश कराड हे आघाडीवर आहेत. तर लातूर शहरमधून भाजपच्या डॉक्टर अर्चना पाटील चाकूरकर या आघाडीवर आहे. मात्र, हे सुरुवातीचे काही कल आहेत. अद्याप अंतिम निकाल लागलेला नाही. या दोन्ही मतदारसंघातील चित्र थोड्याच वेळात स्पष्ट होणार आहे. लातूर जिल्ह्यात विधानसभेचे सहा मतदारसंघ आहेत. यामध्ये लातूर ग्रामीण, लातूर शहर, औसा, निलंगा, अहमदपूर आणि उदगीर या मतदारसंघाचा समावेश आहे. या जिल्ह्यात बहुतेक मतदारसंघात महाविकास आघाडी विरुद्ध महायुती असाच सामना रंगला आहे. या जिल्ह्यातील लढतीकडं संपूर्ण राज्याचं लक्ष लागलं आहे.
लातूर जिल्ह्यातील 6 विधानसभा मतदारसंघातील प्रमुख लढती
1) लातूर ग्रामीण विधानसभा
लातूर ग्रामीण विधानसभा मतदारसंघात एकूण 18 उमेदवार रिंगणात आहेत. प्रमुख लढत ही
भाजपचे रमेश कराड विरुद्ध काँग्रसचे विद्यमान आमदार धीरज देशमुख यांच्यात होत आहे.
2) लातूर शहर विधानसभा
लातूर शहर विधानसभा मतदारसंघातून एकूण 23 उमेदवार रिंगणात आहेत. यात प्रामुख्याने तीन मुख्य उमेदवारातच लढत आहे. यामध्ये काँग्रसचे विद्यमान आमदार अमित देशमुख यांच्याविरोधात भाजपकडून डॉक्टर अर्चना पाटील चाकूरकर तर वंचित बहुजन आघाडीकडून विनोद खटके निवडणूक लढवत आहेत.
3) अहमदपूर विधानसभा
अहमदपूर विधानसभा मतदारसंघात राष्ट्रवादी काँग्रेस अजित पवार गटाचे विद्यमान आमदार बाबासाहेब पाटील यांच्याविरोधात राष्ट्रवादी काँग्रेस शरद पवार गटाचे विनायकराव पाटील तर भाजपचे बंडखोर उमेदवार गणेश हाके हे देकील निवडणूक लढवत आहेत.
4) उदगीर विधानसभा
उदगीर विधानसभा मतदारसंघात राष्ट्रवादी अजित पवार गटाचे संजय बनसोडे विरुद्ध
राष्ट्रवादी काँग्रेस शरद पवार गट सुधाकर भालेराव यांच्यात लढत होत आहे.
5) निलंगा विधानसभा
निलंगा विधानसभा मतदारसंघात विद्यमान आमदार संभाजी पाटील निलंगेकर विरुद्ध काँग्रेसचे
अभय साळुंखे यांच्यात लढत होत आहे.
6) औसा विधानसभा
औसा विधानसभा मतदारसंघात भाजपचे आमदार अभिमन्यू पवार विरुद्ध शिवसेना ठाकरे गटाचे दिनकर माने निवडणूक लढवत आहेत.
लातूर जिल्ह्यात कोणत्या मतदारसंघात किती मतदान?
महाराष्ट्र विधानसभा निवडणुकीची मतदानाची प्रक्रिया काल पार पडली. यामध्ये लातूर जिल्ह्यात 66.91 टक्के मतदान झाले आहे.
लातूर ग्रामीण विधानसभा मतदारसंघ- 69.69 टक्के
लातूर शहर विधानसभा मतदारसंघ – 62.6 टक्के
अहमदपूर विधानसभा मतदारसंघ – 68.55 टक्के
उदगीर (अ.जा.) विधानसभा मतदारसंघ - 67.11 टक्के
निलंगा विधानसभा मतदारसंघ - 65.75 टक्के
औसा विधानसभा मतदारसंघ - 68.7 टक्के
महत्वाच्या बातम्या:
Latur Assembly Election : लातूर जिल्ह्यात 66.91 टक्के मतदान, कोणत्या जिल्ह्यात किती मतदान? कोण मारणार मैदान?
महत्त्वाच्या बातम्या
