Maharashtra Election Result : निकालाच्या पहिल्या कलांमध्ये या दिग्गजांना झटका, अजित पवारांसह शिंदे गटाचे मंत्रीही पिछाडीवर
Maharashtra Assembly Election Result 2024 : विधानसभा निवडणुकीचा पहिला कल हाती आला असून अनेक दिग्गज नेते पिछाडीवर असल्याचं दिसून येतंय.
Maharashtra Assembly Election Result 2024 : राज्याच्या 288 जागांसाठीची मतमोजणी सुरू झाली असून पहिल्या कलांमध्ये भाजपप्रणित महायुतीने मोठी आघाडी घेतल्याचं दिसून आलं. राज्यातील प्रमुख नेत्यांनी त्या त्या ठिकाणी आघाडी घेतली असली तरी काही ठिकाणी धक्कादायक निकाल येण्याची शक्यता वर्तवण्यात येत आहे. त्यामध्ये बारामतीमधून अजित पवार हे पिछाडीवर असून युगेंद्र पवार हे आघाडीवर आहेत. तर शिंदे गटाचे दोन मंत्री पिछाडीवर असल्याचं दिसून आलं.
पहिल्या फेरीत कोण आघाडीवर?
पहिल्या कलांमध्ये बारामधीमधून अजित पवार हे पिछाडीवर असून शरद पवार गटाचे उमेदवार युगेंद्र पवार हे पिछाडीवर असल्याचं दिसून येतंय. तर सावंतवाडीमधून एकनाथ शिंदेंचे मंत्री दीपक केसरकर हे पिछाडीवर आहेत. शिंदेंचे दुसरे मंत्री शहाजीबापू पाटील हे सांगोल्यातून पिछाडीवर असून शेकापचे बाबसाहेब देशमुख हे आघाडीवर आहेत.
दुसरीकडे आंबेगावातून दिलीप वळसे पाटील हे पिछाडीवर असून शरद पवार गटाचे देवदत्त निकम हे आघाडीवर असल्याचं दिसून आलं.
माहीममधून अमित ठाकरे आघाडीवर असून शिंदे गटाचे आमदार सदा सरवणकर हे पिछाडीवर असल्याचं दिसून आलं. मुंबईमध्ये बहुतांश जागांवर महायुती आघाडीवर असल्याचं दिसून आलं.
पहिल्या फेरीमध्ये पहिले शंभर कल आल्यानंतर त्यामध्ये महायुती 102 जागांवर तर महाविकास आघाडी 83 जागांवर आघाडीवर तर इतर 15 जागांवर आघाडीवर आहेत.
मतमोजणीच्या अपडेटस् आणि अंतिम निकाल कुठं पाहणार?
संपूर्ण देशाचं लक्ष लागून असलेल्या महाराष्ट्राच्या विधानसभेचा निकाल, जाहीर होण्यास सुरुवात झाली आहे.. विधानसभेचे वेगवान, अचूक निकाल तुम्हाला सकाळपासूनच एबीपी माझावर पाहता येणार आहेत... प्रत्येक मतदारसंघात कुणी मारली बाजी? कोण होणार तुमचा आमदार? कुणाची येणार सत्ता? काय घडामोडी घडणार? राष्ट्रपती राजवट लागणार का? कोण होणार किंगमेकर? या सर्व प्रश्नांची उत्तर, सविस्तर विश्लेषण.. तुम्हाला 'माझा'वर पाहता येणार आहे.
महाराष्ट्राच्या 288 जागांच्या मतमोजणीच्या वेगवान अपडेटस आणि अंतिम निकाल तुम्हाला एबीपी माझा वाहिनीवर आणि एबीपी माझाची वेबसाईट https://marathi.abplive.com/elections वर पाहता येईल. याशिवाय एबीपी माझाचं यूट्यूब चॅनेल, सोशल मीडिया प्लॅटफॉर्मवर मतमोजणी आणि निकालाच्या अपडेटस पाहता येईल. एबीपी माझाच्या राज्यभरातील प्रतिनिधींकडून देण्यात येणाऱ्या निकालाच्या सुपरफास्ट अपडेट तुम्हाला एबीपी माझावर पाहता येतील.
एबीपी माझाच्या वेबसाईटस भारत निवडणूक आयोगाच्या वेबसाईटवर देखील निकाल पाहता येईल. https://results.eci.gov.in/ या वेबसाईटवर तुम्ही मतमोजणीचे ट्रेंडस आणि निकालाचे अपडेट पाहू शकता.
महत्त्वाच्या बातम्या
