Vadgaon Sheri Assembly Election 2024: सुनील टिंगरेंना पोर्शे प्रकरणाची धडक; बापूसाहेब पठारेंनी मारली बाजी, शरद पवारांना नोटीस पाठवणं पडलं महागात?
Vadgaon Sheri Assembly Election 2024: पुण्यातील कल्याणीनगर येथे झालेल्या पोर्शे अपघातानंतर सुनील टिंगरे यांच्यावर काही आरोप लागले होते, त्याचा फटका या विधानसभा निवडणुकीमध्ये बसल्याच्या चर्चा आहेत.
Vadgaon Sheri Assembly Election 2024: पुण्यातील वडगाव शेरी (Vadgaon Sheri Assembly Election 2024) विधानसभा मतदारसंघात निवडणूक जाहीर होण्याच्या आधीपासून महायुतीत मित्रपक्ष असलेल्या आजी-माजी आमदारांमध्ये उमेदवारीसाठी स्पर्धा लागली होती. वडगाव शेरी मतदारसंघ (Vadgaon Sheri Assembly Election 2024) राष्ट्रवादी काँग्रेस अजित पवार यांच्या ताब्यात होता. अजित पवारांनी पुन्हा एकदा विद्यमान आमदार सुनील टिंगरे यांना संधी दिली होती. मात्र, कल्याणीनगरमधील अपघात प्रकरणी लागलेले आरोप आणि शरद पवारांना नोटीस पाठवणं यावेळी टिंगरेंना भोवलं आहे. वडगाव शेरी मतदार संघात शरद पवार गटाचे बापू पठारे विजयी झाले आहेत तर सुनील टिंगरे यांना पराभवाचा धक्का बसला आहे. बापू पठारे यांनी 4 हजार 122 मतांनी विजयी मिळवला आहे.
या मतदारसंघात राष्ट्रवादी काँग्रेस अजित पवारांच्या पक्षाचे विद्यमान आमदार सुनील टिंगरे यांच्यासह भाजपचे माजी आमदार जगदीश मुळीक यांनीही विधानसभा लढवण्याची तयारी दर्शवली होती. वरिष्ठांनी उमेदवारीसाठी शब्द दिल्याचा दावा या दोन्ही नेत्यांकडून केला जात होता. हाय होल्टेज ड्रामा पाहायला मिळाला होता.
उमेदवारीवेळी मोठा ट्विस्ट
वडगाव शेरी मतदारसंघात (Vadgaon Sheri Assembly Election 2024) राष्ट्रवादी काँग्रेस अजित पवार यांच्या पक्षाचे विद्यमान आमदार सुनील टिंगरे यांना महायुतीची अधिकृत उमेदवारी मिळाली. मात्र, त्यानंतर नाराज झालेल्या भाजपचे नेते आणि माजी आमदार जगदीश मुळीक यांना देखील पक्षाकडून उमेदवारी देण्यात आली. त्यांनी उमेदवारी अर्ज भरण्याची तयारी केली. मात्र, त्यांना पक्षाचे नेते आणि उपमुख्यमंत्री देवेंद्र फडणवीस यांचा फोन आला आणि मतदारसंघातील बंडखोरी किंवा मैत्रीपुर्ण होणारी लढत टळली. त्यानंतर आता हाती आलेल्या निकालानंतर पुण्यातील कल्याणीनगर येथे झालेल्या पोर्शे अपघातानंतर सुनील टिंगरे यांच्यावर काही आरोप लागले होते, त्याचा फटका या विधानसभा निवडणुकीमध्ये बसल्याच्या चर्चा आहेत.
2019 ला मिळालेले मताधिक्य
2019 ची महाराष्ट्र विधानसभेची निवडणूक राष्ट्रवादी काँग्रेस पक्षाचे (अजित पवार गट) सुनील टिंगरे यांनी जिंकली. त्यांनी भारतीय जनता पक्षाचे आमदार जगदीश मुळीक यांचा 4956 मतांच्या फरकाने पराभव केला. राष्ट्रवादी काँग्रेसचे सुनील विजय टिंगरे हे वडगाव शेरी विधानसभा मतदारसंघाचे विद्यमान आमदार आहेत.
महत्त्वाच्या बातम्या
