Kothrud Assembly Election : कोथरूडमध्ये चंद्रकांत पाटलांनी उधळला विजयाचा गुलाल! सुरवातीपासून आघाडी घेत विरोधकांना दाखवलं आस्मान, मतदारसंघात भाजपच्या कार्यकर्त्यांचा जल्लोष
Kothrud Assembly Election : कोथरूड मतदारसंघात पुन्हा एकदा चंद्रकांत पाटलांनी आपला गड राखण्यात यश मिळवलं आहे. 1 लाख 11 हजार मतांनी चंद्रकांत पाटलांनी विजय मिळवला आहे.
Kothrud Assembly Election : पुण्यातील कोथरुड विधानसभा मतदारसंघ हा भाजपचा बालेकिल्ला आहे. 2019 चंद्रकांत पाटील या मतदार संघातून निवडून आले होते. या मतदारसंघातून पुन्हा एकदा महायुतीकडून चंद्रकांत पाटील यांनी विजय मिळवला आहे. आज सकाळी मतमोजणीला सुरुवात झाली असून पुण्यातील कोथरूड मतदारसंघाच्या मतमोजणीतील पहिल्या फेरीची आकडेवारी समोर आली आहे. तेव्हापासून चंद्रकांत पाटलांनी (Chandrakant Patil) आघाडी घेतली होती. मतमोजणीला सुरूवात झाल्यापासून चंद्रकांत पाटील आघाडीवर होते. पुण्यातील कोथरूड मतदार संघात भाजचे चंद्रकांत पाटील यांच्या विरोधात उद्धवसेनेचे चंद्रकांत मोकाटे रिंगणात होते. चंद्रकांत मोकाटे यांनी यापूर्वीही या मतदारसंघाचं नेतृत्व केलेलं आहे. मनसेने किशोर शिंदे यांना पुन्हा मैदानात उतरवले होते. मनसेचे उमेदवार किशोर शिंदे यांनी 2019 ला पाटील यांच्याविरोधात चांगली लढत दिली होती. मात्र, पुन्हा एकदा चंद्रकांत पाटलांनी आपला गड राखण्यात यश मिळवलं आहे. 1 लाख 11 हजार मतांनी चंद्रकांत पाटलांनी विजय मिळवला आहे.
भाजपच्या कार्यकर्त्यांनी अंतिम निकाल आल्याशिवाय जल्लोष साजरा करू नये असं वरिष्ठांकडून निर्देश देण्यात आले आहेत. त्याचवेळी भाजप नेते चंद्रकांत पाटलांनी मात्र जल्लोषाला सुरुवात केली आहे. चंद्रकांत पाटलांच्या कोथरुडमधील कार्यालयामध्ये 200 किलो लाडू आणण्यात आले आहेत
नुकत्याच पार पडलेल्या लोकसभा निवडणुकीत भाजपचे खासदार मुरलीधर मोहोळ यांना 75 हजारांचे मताधिक्य मिळालं होतं. हा मतदार संघ जेव्हापासून अस्तित्वात आला आहे, तेव्हापासून तो भाजपचा बालेकिल्ला म्हणून ओळखला जातो. शिवसेना आणि भाजपची युती असताना शिवसेनेचा आमदार निवडून येत होता. मात्र, युती तुटल्यानंतर भाजपकडून 2019 मतदारसंघातून निवडून आले. त्यामुळे आता आधी निवडून आलेले ठाकरे गटाचे चंद्रकांत मोकाटे आणि भाजपचे चंद्रकांत पाटील (Chandrakant Patil) यांच्यातील लढत झाली आहे. बऱ्यापैकी शहरी मतदारसंघ आहे. मागील काही काळात मतदार संघातील मतदारांची संख्या सातत्याने वाढत आहे. बाहेरुन येऊन इथे स्थायिक होणाऱ्यांची संख्या मोठी आहे. कोथरुडमध्ये पावसाळ्यात मोठ्या प्रमाणात पाणी साचत, त्यावर तोडगा आणि महत्वाचं म्हणजे वाहतूक कोंडीवर तोडगा काढणारा आमदार असावा, अशी नागरिकांची अपेक्षा आहे.
2019 ला मिळालेले मताधिक्य
चंद्रकांत पाटील - 105246
किशोर शिंदे- 79751
उद्धव ठाकरे सोबत आल्यास स्वागत
सुरूवातीपासून चंद्रकांत पाटील हे आघाडीवर होते. त्यांनी आपली आघाडी कायम ठेवली होती. भाजपच्या या यशाचा पहिला जल्लोष कोथरूडमध्ये सुरू झाल्याचं दिसून आलं. भाजप नेते चंद्रकांत पाटील यांनी लाडू वाटून विजयाचा जल्लोष केल्याचं दिसून आलं. यावेळी एबीपी माझाशी बोलताना चंद्रकांत पाटील म्हणाले, उद्धव ठाकरे जर महायुतीमध्ये आले तर त्यांचे स्वागतच असेल असं वक्तव्य भाजप नेते चंद्रकांत पाटील यांनी केलं. उद्धव ठाकरे जर महायुतीमध्ये येत असतील तर त्याचा निर्णय हा वरिष्ठ पातळीवर घेतला जाईल असंही ते म्हणाले.
महत्त्वाच्या बातम्या
