Arni Assembly Election 2024 : आर्णीत भाजपचे राजू तोडसाम विजयी, काँग्रेसच्या जितेंद्र मोघे यांचा पराभव
Arni Assembly Election 2024 : यवतमाळ जिल्ह्यातील आर्णी विधानसभा मतदारंसघात भाजपचे राजू तोडसाम विजयी झाले आहेत. त्यांनी काँग्रेसच्या जितेंद्र मोघेंचा पराभव केला.
Arni Assembly Election 2024 यवतमाळ : यवतमाळ जिल्ह्यात विधानसभेचे सात मतदारसंघ आहेत. यवतमाळ, राळेगाव, वणी, आर्णी, दिग्रस, उमरखेड आणि पुसद या मतदारसंघांपैकी काही मतदारसंघ हे अनुसूचित जमातीसाठी राखीव आहेत. आर्णी विधानसभा मतदारसंघ देखील अनुसूचित जमाती प्रवर्गासाठी राखीव आहे. एकेकाळी काँग्रेसच्या बाजूनं असलेला हा मतदारसंघ गेल्या 10 वर्षांपासून भाजपच्या ताब्यात आहे. भाजपनं राजू तोडसाम यांना पुन्हा उमेदवारी दिली होती. तर, काँग्रेसकडून शिवाजीराव मोघे यांचे पुत्र जितेंद्र मोघे विधानसभेच्या रिंगणात होते. राजू तोडसाम यांनी जितेंद्र मोघेंचा पराभव केला. राजू तोडसाम यांना 127203 मतं मिळाली. तर, जितेंद्र मोघे यांना 97890 मतं मिळाली. जितेंद्र मोघे यांचा 29313 मतांनी पराभव झाला.
राजू तोडसाम आणि जितेंद्र मोघे यांच्यात लढत
आर्णी मतदार संघ हा नेहमीच काँग्रेसच्या बाजूने राहिला आहे. मात्र, 2014 पासून येथे भाजपने हा मतदारसंघ आपल्या ताब्यात ठेवला आहे. भाजपनं अर्णी मतदार संघाचे विद्यमान आमदार डॉ. संदीप धुर्वे यांचं तिकीट कापून राजू तोडसाम यांना उमेदवारी दिली. 2014 ते 2019 या काळात राजू तोडसाम हे भाजपकडूनच आमदार होते. मात्र 2019 मध्ये त्यांची तिकीट कापण्यात आलं होतं.
लोकसभेला काय घडलं?
अर्णी विधानसभा मतदारसंघ चंद्रपूर लोकसभा मतदारसंघात येतो. काँग्रेसच्या प्रतिभा धानोरकर यांच्या बाजूनं या मतदारसंघातील मतदारांनी कौल दिला. प्रतिभा धानोरकर आघाडीवर होत्या तर, सुधीर मुनगंटीवार पिछाडीवर राहिले होते. काँग्रेसच्या प्रतिभा धानोरकर यांना 114085 मतं मिळाली. तर, भाजपच्या सुधीर मुनगंटीवार यांना 94521 मतं मिळाली होती.
इतर बातम्या :
महत्त्वाच्या बातम्या
ट्रेंडिंग न्यूज
