एक्स्प्लोर
Advertisement
सोलापुरात आंबेडकर आणि शिंदे यांची हॉटेलमध्ये अचानक भेट
प्रकाश आंबेडकर हे आपल्या कार्यकर्त्यांसह नाश्ता करत असताना सुशीलकुमार शिंदेही त्यावेळी बालाजी सरोवर येथे शिवराज पाटील चाकूरकर यांना भेटण्यास आले होते.
सोलापूर : बहुजन वंचित आघाडीचे उमेदवार प्रकाश आंबेडकर आणि काँग्रेस-राष्ट्रवादी आघाडीचे उमेदवार सुशीलकुमार शिंदे या कट्टर प्रतिस्पर्ध्यांची आज सकाळी बालाजी सरोवर या पंचतारांकित हॉटेलमध्ये अचानक भेट झाली.
प्रकाश आंबेडकर हे आपल्या कार्यकर्त्यांसह नाश्ता करत असताना सुशीलकुमार शिंदेही त्यावेळी बालाजी सरोवर येथे शिवराज पाटील चाकूरकर यांना भेटण्यास आले होते. प्रकाश आंबेडकर तिथेच बसल्याचं समजल्यावर शिंदेंनी तिथे जाऊन त्यांची भेट घेतली.
आंबेडकर आणि शिंदे या दोघांनी एकमेकांना निवडणुकीसाठी शुभेच्छा दिल्या. मात्र राजकारणाचा विषय झाला नाही, अवघ्या काही मिनिटांचा हा प्रसंग होता असं सांगण्यात आलं.
दोन दिवसांपूर्वी सोलापुरात झालेल्या सभेत प्रकाश आंबेडकरांनी सुशीलकुमार शिंदे यांच्यावर गंभीर आरोप केले होते. त्यानंतर लगेचच ही भेट झाल्याने राजकीय चर्चांना उधाण आलं आहे.
अकोल्यासह प्रकाश आंबेडकर सोलापूरमध्येही निवडणूक लढवत आहेत. आंबेडकरांच्या या निर्णयामुळे काँग्रेसचे उमेदवार सुशीलकुमार शिंदे यांच्या अडचणी वाढल्याचं म्हटलं जात आहे. प्रकाश आंबेडकर सोलापूरमधून पहिल्यांदाच निवडणुकीच्या रिंगणात उतरले आहेत. तर ही आपली शेवटची निवडणूक असल्याचं शिंदेंनी जाहीर केली आहे.
सोलापूर मतदारसंघात वंचित बहुजन आघाडीचे प्रकाश आंबेडकर, काँग्रेसचे सुशीलकुमार शिंदे आणि भाजपचे जयसिद्धेश्वर शिवाचार्य यांच्यात प्रमुख लढत आहे. सोलापूरमध्ये 18 एप्रिल रोजी मतदान होणार आहे.
EXCLUSIVE | प्रकाश आंबेडकरांची वादग्रस्त आणि खळबळजनक मुलाखत
UNCUT | कॉंग्रेस नेते सुशीलकुमार शिंदे यांच्याशी खास बातचीत
Khelo khul ke, sab bhool ke - only on Games Live
अधिक पाहा..
Advertisement
Advertisement
Advertisement
महत्त्वाच्या बातम्या
सांगली
महाराष्ट्र
भारत
राजकारण
Advertisement