Lok Sabha Election 2024 Phase 2 Polling Live: नांदेडमध्ये मतदाराने मतदान मशिन फोडलं, कर्मचाऱ्यावरही हल्ल्याचा प्रयत्न
Lok Sabha Election 2024 Phase 2 : राज्यात आज विदर्भातले बुलढाणा, अकोला, अमरावती, वर्धा, यवतमाळ तर मराठवाड्यातले हिंगोली, नांदेड, परभणी या मतदारसंघात मतदान होणार आहे
Background
Lok Sabha Election 2024 Phase 2 Voting Live: आज देशभरात दुसऱ्या टप्प्य़ाचं मतदान होणार आहे. देशात ८८ तर राज्यात ८ मतदारसंघात मतदान होणार आहे. एकूण १२ राज्यात आज मतदार आपला मतदानाचा हक्क बजावतील. राज्यात आज विदर्भातले बुलढाणा, अकोला, अमरावती, वर्धा, यवतमाळ तर मराठवाड्यातले हिंगोली, नांदेड, परभणी या मतदारसंघात मतदान होईल. अवघ्या देशाचं लक्ष लागून असलेल्या केरळातल्या वायनाड मतदारसंघात आज मतदान होणार आहे. राहुल गांधींविरोधात वायनाडमध्ये भाजपचे के. सुरेंद्रन आणि सीपीआयच्या अॅनी राजा या रिंगणात आहेत. त्याशिवाय मथुरेतून हेमामालिनी, कोटा बुंदी या राजस्थानातल्या मतदारसंघातून मावळते लोकसभा अध्यक्ष ओम बिर्ला, राजनांदगावमधून भुपेश बघेल, तिरूअनंतपुरममधून शशी थरूर, दक्षिण बंगळुरूतून भाजपचे तेजस्वी सूर्या, मेरठमधून भाजपचे अरूण गोविल यांचं भवितव्य मतदान यंत्रात बंद होणार आहे.
Nanded Lok Sabha Election : नांदेडमध्ये मतदाराने मतदान मशिन फोडलं, कर्मचाऱ्यावरही हल्ल्याचा प्रयत्न
नांदेड जिल्ह्यातील रामतीर्थ मतदान केंद्रावर एक गंभीर प्रकार घडला आहे. भानुदास एडके या व्यक्तीने मतदान केंद्रात प्रवेश करत चक्क VVPAT मशीन आणि बलेट मशीन कुऱ्हाडीने तोडून टाकली. या व्यक्तीने मतदान केंद्रातील कर्मचाऱ्यावरही हल्ला करण्याचा प्रयत्न केला. संविधान वाचवण्यासाठी आपण हे करत असल्याचे ओरडत होता. मतदान केंद्रावर गृह रक्षक दलाचे कर्मचारी तैनात होते पण त्यांचाही नाईलाज झाला. या फोडलेल्या मशीनमध्ये अंदाजे 500 मतदान झाले होते. पण कंट्रोल युनिट सुरक्षित असल्याने झालेले मतदानही सुरक्षित असल्याचं प्रशासनाचा दावा आहे.
Lok Sabha Election 2024 Phase 2 Polling Live: देशभरातील मतदानात महाराष्ट्रात सर्वात थंड प्रतिसाद, दुपारी 1 वाजेपर्यंत केवळ 31.77 टक्के मतदान
Lok Sabha Election 2024 Phase 2 Polling Live: देशभरातील मतदानात महाराष्ट्रात सर्वात थंड प्रतिसाद, दुपारी 1 वाजेपर्यंत केवळ 31.77 टक्के मतदान झाले आहे
दुपारी 1 पर्यंत मतदानाची आकडेवारी
- वर्धा – 32.32 टक्के
- अकोला -32.25 टक्के
- अमरावती – 31.40 टक्के
- बुलढाणा – 29.07 टक्के
- हिंगोली – 30.46 टक्के
- नांदेड - 32.93 टक्के
- परभणी – 33.88 टक्के
- यवतमाळ-वाशिम – 31.47 टक्के
महत्त्वाच्या बातम्या
